मंसिर २९, २०८०
सूचनाको हकसम्बन्धी ऐन, २०६४ बमोजिम प्रधानमन्त्रीका सचिवालय सदस्यहरूको नियुक्ति तथा पारिश्रमिकसम्बन्धी विवरण उपलब्ध गराएबापत प्रधानमन्त्री कार्यालयकी सूचना अधिकारी कविता फुयाँलको जिम्मेवारी खोसिएको छ । करिब ५ वर्...
काठमाडाैं | पुस ११, २०८०
नवलपरासीस्थित इलाका प्रहरी कार्यालय, बर्दघाटका तत्कालीन प्रहरी जवान सञ्जीव धवलसमेत ३ जनाविरुद्ध घुस लिई भ्रष्टाचार गरेको आरोपमा आरोप–पत्र दायर भएको छ ।
इलाका प्रहरी कार्यालय, बर्दघाटकै तत्कालीन कार्यालय प्रमुख प्रहरी निरीक्षक कपिल वाग्लेको मृत्युको घटनामा उनीहरूले अनियमितता गरेको ठहर गर्दै अख्तियार दुरुपयोग अनुसन्धान आयोगले बुधवार विशेष अदालतमा मुद्दा दायर गरेको हो ।
प्रहरी जवान धवलले अर्जुनप्रसाद शर्मा र इन्द्रलाल श्रेष्ठबाट एक लाख ७५ हजार घुस लिएको ठहर गर्दै मुद्दा दायर भएको अख्तियारका प्रवक्ता नरहरि घिमिरेले बुधवार एक विज्ञप्ति जारी गर्दै जनाएका छन् ।
‘घटनाको बेला सादा पोशाकमा परिचालित प्रहरी जवान सञ्जीव धवलले अवैध मोबाइलसहित गाडी लिई आउने व्यक्तिको बैंक खाताबाट आफ्नो खातामा ५५ हजार र नगद एक लाख २० हजार गरी जम्मा एक लाख ७५ हजार रुपैयाँ घुस/रिसवत लिएको देखिएकोले उनलाई भ्रष्टाचार निवारण ऐन बमोजिम जरिवाना र कैद सजाय हुन पनि हुन मागदाबी लिइएको छ,’ विज्ञप्तिमा भनिएको छ ।
साथै, चितवनको भरतपुर महानगरपालिका, वडा नम्बर–८ स्थायी ठेगाना भएका अर्जुनप्रसाद शर्मा र वडा नम्बर–२१ का इन्द्रलाल श्रेष्ठलाई पनि उस्तै सजाय र जरिवाना मागदाबी गरिएको छ ।
प्रेस विज्ञप्ति:- मिति २०८०।०९।११ गते।
------------------------------------------
ईलाका प्रहरी कार्यालय बर्दघाट, नवलपरासी (बर्दघाट-सुस्ता पश्चिम) का तत्कालीन कार्यालय प्रमुख प्रहरी निरीक्षक कपिल वाग्लेको मृत्युको घटनाको सम्बन्धमा नेपाल सरकार गृह मन्त्रालयद्वारा गठित तीन सदस्यीय छानबिन समितिको प्रतिवेदनको सुझावहरुमध्ये सादा पोशाकमा परिचालित प्रहरी जवान संजिव धवलले अवैध मोबाइलसहित गाडी लिई आउने व्यक्तिको बैंक खाताबाट आफ्नो खातामा रु.५५,०००।- (पचपन्न हजार रुपैयाँ) रकमान्तर गर्न लगाएको देखिएकोले थप कारबाही हुन भन्ने गृह मन्त्रालयबाट प्राप्त प्रतिवेदनको सम्बन्धमा अनुसन्धान हुँदा प्रहरी जवान संजिव धवलले मिति २०७८।०४।२१ गते बेलुका अवैध मोबाइलसहितको गाडी लिई आउने अर्जुन प्रसाद शर्मा र इन्द्र लाल श्रेष्ठलाई प्रचलित कानूनबमोजिम कारबाहीको दायरामा ल्याउन प्रक्रिया अगाडि बढाउनुको सट्टा व्यक्तिगत लाभ प्राप्त गर्ने उदेश्यले अबैध सामान सहितको गाडी र निज व्यक्तिहरुलाई छुटाउनको लागि निजहरुबाट नगद रु.१,२०,०००।- (एक लाख बिस हजार रुपैयाँ) र बैंकिङ प्रणालीमार्फत रु.५५,०००।- (पचपन्न हजार रुपैयाँ) समेत गरी जम्मा रु.१,७५,०००।- (एक लाख पचहत्तर हजार रुपैयाँ) घुस/रिसवत लिएको देखिएकोले निज संजिव धवललाई भ्रष्टाचार निवारण ऐन, २०५९ को दफा ३ को उपदफा (१) को खण्ड (घ) बमोजिमको कसुरमा सोही ऐनको दफा ३ को उपदफा (१) बमोजिम जरिवाना हुन र घुस/रिसवतसमेत असुल हुन तथा दफा ३ को उपदफा (१) को खण्ड (घ) बमोजिम कैद सजाय हुन मागदाबी लिइएको छ।
साथै, जिल्ला चितवन, भरतपुर महानगरपालिका, वडा नम्बर-८ स्थायी वतन भएका अर्जुन प्रसाद शर्मा र सोही महानगरपालिका, वडा नम्बर-२१ स्थायी वतन भएका इन्द्रलाल श्रेष्ठले व्यक्तिगत लाभ प्राप्त गर्ने उद्देश्यले राष्ट्रसेवक प्रहरी कर्मचारीलाई प्रभावमा पारी अवैध मोबाइलसहितको गाडी छुटाउन र आफूहरु कानूनी कारवाही समेतबाट बच्नको लागि गैरकानूनी रुपमा नगद रु.१,२०,०००।- (एक लाख बीस हजार रुपैयाँ) तथा मोबाइल बैंकिङ्ग प्रणालीमार्फत रु.५५,०००।- (पचपन्न हजार रुपैयाँ) समेत गरी जम्मा रु.१,७५,०००।- (एक लाख पचहत्तर हजार रुपैयाँ) प्रहरी जवान संजिव धवललाई गैरकानूनी रुपमा घुस/रिसवत दिएकोले निजहरुउपर भ्रष्टाचार निवारण ऐन, २०५९ को दफा ३ को उपदफा (३) बमोजिमको कसुरमा सोही ऐनको दफा ३ को उपदफा (१) बमोजिम जरिवाना र दफा ३ को उपदफा (१) को खण्ड (घ) बमोजिम कैद सजाय हुन मागदाबी लिई आज बिशेष अदालत काठमाडौंमा आरोपपत्र दायर गरिएको छ।
प्रवक्ता
नरहरि घिमिरे
सूचनाको हकसम्बन्धी ऐन, २०६४ बमोजिम प्रधानमन्त्रीका सचिवालय सदस्यहरूको नियुक्ति तथा पारिश्रमिकसम्बन्धी विवरण उपलब्ध गराएबापत प्रधानमन्त्री कार्यालयकी सूचना अधिकारी कविता फुयाँलको जिम्मेवारी खोसिएको छ । करिब ५ वर्...
राष्ट्रिय सतर्कता केन्द्रको परिपत्रविपरीत कर्मचारीको कोटामा खानेपानीमन्त्री महिन्द्र राय यादवका छोरा सुनिल अधिकारी यादव विदेश भ्रमणमा गएका छन् । मन्त्री यादवका छोरा सुनिल भारतको उडिसा प्रदेशमा कर्मचारीको कोटामा ...
त्रिभुवन विमानस्थल भन्सार बाहिरबाट गत साउन २ गते समातिएको झण्डै ६१ केजी सुन तस्करीमा संलग्न विचौलिया जीवन चलाउनेले प्रहरी हिरासतबाट छुट्न ६० लाखको बार्गेनिङ भएको छानबिन समितिलाई बयान दिएका छन् । ३० लाख रुपैय...
निर्माण व्यवसायी महासंघले खरिद सम्बन्धी कानून परिमार्जनसहितका ९ बुँदे माग राखी आन्दोलन गरेको थियो । २०८० साउन २६ गते प्रधानमन्त्रीस्तरीय निर्णयबमोजिम सार्वजनिक खरिद अनुगमन कार्यालयका सचिवको अध्यक्षतामा गठित कार्यद...
महेन्द्रनगर– दुईतिर भारतको सीमा जोडिएको कञ्चनपुरमा सशस्त्र प्रहरी बलले अवैध ढङ्गले ल्याइएका रु ८८ लाख बराबरका सामान नियन्त्रणमा लिएको छ । महेन्द्रनगरस्थित सशस्त्र प्रहरी बल नंं ३५ गणका अनुसार गत फागुनपछि ...
अख्तियार दुरुपयोग अनुसन्धान आयोगले टेलिकम्युनिकेसन ट्राफिक मनिटरिङ एण्ड फ्रड कन्ट्रोल सिस्टम (टेराम्क्स) प्रविधि खरिद प्रकरणमा नेपाल दुरसञ्चार प्राधिकरणका २० जना पदाधिकारी तथा कर्मचारीसँग बयान लिएको छ । ट...
सृष्टिमा हरेक चीजको एउटा अति हुन्छ, जसलाई हामी सीमा भन्ने गर्छौँ, जलाई उसले आउँदा सँगै लिएर आएको हुन्छ र जेजति गर्छ यसैभित्रै रहेर गर्छ । अति पार गर्नासाथ उसको अस्तित्व पनि समाप्त हुन पुग्छ । अति पार गरेपछि नदी...
नेपाली कम्युनिस्ट आन्दोलन कतिपटक विभाजन भयो ? पुनः एकता, मोर्चा गठन, विघटनलाई हेर्दा यसको जोडघटाउको लामै शृङ्खला बन्छ । र, त्यसमा मूलधारको राजनीतिबाट विभाजित कम्युनिस्ट पार्टी अर्थात् वामपन्थी पार्टीहरूको विसर्...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...