सार्वजनिक खरिद अनुगमन कार्यालयले चार निर्माण कम्पनीलाई कालोसूचीमा राखेको छ । विभिन्न सार्वजनिक निकायहरुबाट लेखिआए बमोजिम कार्यालयले ४ निर्माण कम्पनीलाई कालोसूचीमा राख्ने निर्णय गरेको हो । 

पुष्पलाल (मध्यपहाडी) राजमार्ग आयोजना निर्देशनालय र पोखरा महानगरपालिकाको सिफारिसको आधारमा अनुगमन कार्यालयले ती कम्पनीमध्ये तीन वटालाई तीन र एउटालाई दुई वर्षसम्मका लागि कालोसूचीमा राखेको हो ।