गाजा–गाजापट्टीमा जारी इजरायली आक्रमणबाट मृत्यु हुने प्यालेस्टिनीको सङ्ख्या २८ हजार नाघेको गाजास्थित स्वास्थ्य मन्त्रालयले शनिवार जनाएको छ।

मन्त्रालयले जनाएअनुसार इजरायली सेनाको आक्रमणबाट गत २४ घण्टामा ११७ प्यालेस्टाइनीहरूजि मृत्यु भएको छ  भने १५२ जना घाइते भएका छन् ।  योसँगै गत अक्टोबर ७ मा इजरायल-हमास द्वन्द्व शुरू भएदेखि मृत्यु हुनेको कुल सङ्ख्या २८ हजार ६४ पुगेको छ भने घाइतेको सङ्ख्या ६७ हजार ६११ पुगेको छ। 

इजरायली सेनाले गाजाको दक्षिणी भागमा रहेको रफाह शहरमा शुक्रवार रातिदेखि  हवाई आक्रमण गरेको छ । जसमा कम्तीमा २८ जनाको मृत्यु भएको सरकारी प्यालेस्टाइन टीभीले उल्लेख गरेको छ।

शुक्रवार इजरायलका प्रधानमन्त्री बेन्जामिन नेतन्याहुले सेनालाई रफाहमा हमास ब्रिगेडका बाँकी रहेकाहरूलाई हटाउनको लागि भूमिगत अपरेशनको योजना तयार गर्न निर्देशन दिएका थिए ।