इस्लामाबाद–पाकिस्तानका प्रधानमन्त्री शाहबाज शरिफले शुक्रबार आफ्नो सरकारले वित्तीय क्षेत्रमा जारी चुनौतीलाई सम्बोधन गर्न लगनशील भइ आर्थिक सुधारका मार्गहरू पछ्याउँदै गएको दाबी गरेका छन् ।  

सङ्घीय मन्त्रिपरिषद्को बैठकमा उनले सबै सरकारी विभागको सामूहिक प्रयासबाट देशको अर्थतन्त्र सुधारको बाटोमा रहेको बताए । आर्थिक सूचक र तथ्याङ्कमा देखिएको सुधारलाई अन्तर्राष्ट्रिय वित्तीय संस्थाहरूले पनि हेरेको र स्वीकार गरेको उनको भनाइ थियो । 

प्रधानमन्त्री शरिफले कीर्तिमानी प्रविधि निर्यात, विदेशी विप्रेषणमा वृद्धि र मुलुकको समर्ग निर्यातले सकारात्मक आर्थिक मार्गप्रशस्त गरेको बताए ।

देशमा बिजुलीको बढ्दो मूल्यका बारेमा कुरा गर्दै शरिफले सरकारले व्यापक नीति लागु गरिरहेको र बिजुली चोरी कम गर्न तथा मूल्य घटाउन कदम चालेको उल्लेख गरे ।