आईसीसी विश्वकप लिग २ को खेलमा नेदरल्याण्ड्सविरुद्धको खेलमा कुशत भुर्तेलबाहेक अरू खेलाडी चल्न नसक्दा नेपालले सामान्य १७३ लक्ष्य दिएको छ ।

टस हारेर ब्याटिङमा उत्रिएको नेपालले पूरै ४९.३ ओभरमा १० विकेट गुमाउँदै १७२ रन जोडेको हो ।

यसक्रममा ओपनर कुशल भुर्तेलले ९३ बलमा ६६ रन बनाए ।

८ औं विकेटका लागि आरिफ शेख र करण केसीले टिमको थोरै रन उकासे । यस क्रममा आरिफले ५० बलमा २२ रन बनाए । करणले २७ बलमा २६ रन बनाए । 

अरू खेलाडीले उल्लेख्य रनको योगदान दिन सकेनन् । 

नेपालका लागि आशिफ शेखले १७, रोहित पौडेलले १६, अनिल साह ७, गुल्सन झा ५ कुशल मल्ल २ रन बनाएर आउट भएका छन् । भीम सार्की ८ बल खेल्दा खाता नै नखोली आउट भए । 

नेपालले नामिबियासँगको दुईवटै खेल हारिसकेको छ । तर नेदरल्याण्डलाई भने नेपालले पछिल्लो खेलमा ९ विकेटको फराकिलो अन्तरले पराजित गरेको थियो । ​​

नेदरल्याण्ड्सका लागि आर्यन दत्ता र भिभियन किग्माले ३/३ विकेट लिए ।