त्रिदेशीय टी–२० सिरिज अन्तर्गत नेपालविरुद्धको दोस्रो खेलमा नेदरल्याण्ड्सले १० ओभरमा छैटौं विकेट गुमाएको छ ।  

नेपालका लागि करण केसी, प्रतिश जिसी र कुशल मल्ल तीनै जनाले आफ्ना ओभरमा २/२ विकेट लिएपछि नेपाल १० ओभरमा हावी भएको हो । 

कीर्तिपुरस्थित मैदानमा टस जितेर ब्याटिङ रोजेको नेदरल्याण्ड्सले पहिलो ओभरमै दुई विकेट गुमाएको थियो । त्यसपछि फेरि नवौ ओभरमा प्रतिश जिसीले पनि एकै ओभरमा दुई विकेट निकालेका हुन् ।

करण केसीले माइकल लेभिटलाई  पहिलो ओभरको चौथो बलमा ४ रनमा क्याचआउट गराएका थिए ।

चौथो बलमा लेबिटलाई दीपेन्द्रसिंह ऐरीको हातबाट क्याचआउट गराएपछि पहिलो ओभरको अन्तिम बलमै फेरि करणले साइब्रान्डलाई आशिफ शेखबाट क्याचआउट गराएर उत्कृष्ट शुरूआत दिलाएका थिए । ८.१ ओभरमा जिसीले स्कट एडवार्डलाई १८ रनमा बोल्ड गरेका हुन् । 

इडवार्डले २१ बलमा १८ रन बनाए । 

जिसीले ८.५ ओभरमा म्याक्स ओडाउडलाई पनि बोल्ड गर्न पुगे । आउट हुनु अघि म्याक्सले २४ बलमा ३१ रन बनाए ।

९.५ ओभरमा फेरि कुशल मल्लले पनि विकेट लिएपछि नेदरल्याण्ड्स १० ओभरमा ६० रन जोड्दा ६ विकेट गुमाउने स्थितिमा पुगेको हो । अन्तिम बलमा पनि कुशलले आर्यन दत्ताको विकेट लिए ।