पोखराको अर्चलेमा ​दुई जना घाइते हुने गरी भएको बस दुर्घटनाको फोटो सामाजिक सञ्जालमा भाइरल बनेको छ ।

लेखनाथ क्षेत्रको आरुपाटाबाट पोखराका लागि छुटेको ग १ ख ८६८० नम्बरको बस शनिवार बिहान अर्चलेमा दुर्घटना हुँदा बसका चालक टीकाराम विक र सहचालक सालिकराम सुवेदी घाइते भएका छन् ।

जिल्ला प्रहरी कार्यालय कास्कीका अनुसार उनीहरूको पोखरा स्वास्थ्य विज्ञान प्रतिष्ठानमा उपचार भइरहेको छ ।

अहिले बस दुर्घटना भएको तस्वीर र भिडियो सामाजिक सञ्जालमा भाइरल बनिरहेको छ ।

बीच सडकमा ठाडो बनेको बसको फोटो र भिडियो सामाजिक सञ्जालमा भाइरल बनेको हो ।