नेपाल प्रहरीका दुई जना प्रहरी नायव महानिरीक्षक (डीआईजी)लाई प्रहरी अतिरिक्त महानिरीक्षक (एआईजी)मा बढुवा गर्न सिफारिस गरिएको छ । गृह मन्त्रालय अन्तर्गतको बढुवा समितिको सचिवालयले प्रकाशित गरेको सूचना अनुसार बढुवा सिफारिस हुनेमा डीआईजीद्वय उमेशराज जोशी र भीमप्रसाद ढकाल छन् ।

यस्तै, प्रहरीका प्राविधिक समूहतर्फका दुई जना प्रहरी वरिष्ठ उपरीक्षक (एसएसपी)हरूलाई प्रहरी नायव महानिरीक्षक (डीआईजी)मा बढुवा सिफारिस गरिएको छ । बढुवा सिफारिस हुनेमा केनाइन उपसमूहतर्फ डा. देउती गुरुङ र सूचना प्रविधि कम्प्युटर तर्फका इन्जिनियर नवीन्द्र अर्याल रहेका छन् ।

हेर्नुहोस् सूचना