कात्तिक २०, २०८०
शुक्रवार मध्यरातिको भूकम्पमा परेर मृत्यु भएकी जाजरकोट भेरी नगरपालिकाकी ८ वर्षीया विष्णु तिरुवाको दाहसंस्कारका लागि आफन्त र गाउँलेहरू सोमवार भेरी नदी घाटमा पुगेका थिए । सोमवार अपरान्ह उनको शव लिएर मलामी...
विराटनगर | बैशाख ५, २०८१
विराटनगर महानगरपालिकाले १० करोड ५५ लाख ३ हजार ९८९ रुपैयाँ बक्यौता नतिरेपछि नेपाल प्राधिकरणको विराटनगर वितरण केन्द्रले २४ ठाउँको सडक बत्ती काटिदिएको छ । प्राधिकरणले सडक बत्तीको लाइन काटिदिएपछि रातमा झिलिमिली देखिने विराटनगर एयरपोर्ट लाइन एक हप्तादेखि रातिको समयमा अन्धकारमय भएको छ।
वर्षौंदेखिको करोडौं रुपैयाँ विद्युत बक्यौता नतिरेपछि सडक बत्तीको लाइन काटिएको प्राधिकरणका विराटनगर वितरण केन्द्रका प्रमुख इन्जिनियर सरोजकुमार साहले बताए । विराटनगरभित्र २८४ ठाउँमा सडक बत्ती उपभोग गरेबापत मिटर बक्स राखिएको छ । मिटर नराखिएका २०० भन्दा बढी ठाउँमा पनि महानगरपालिकाले बत्ती जोडेर बालिरहेको छ ।
उनका अनुसार २८४ ठाउँमा राखिएको मिटर रिडिङ भएको रकम साढे १० करोड रुपैयाँ छ । वर्षौंदेखि विद्युत बक्यौता नतिरेपछि सडक बत्तीको लाइन काट्न बाध्य भएको साहले बताए । अहिले प्रारम्भिक चरणमा २४ ठाउँको सडक बत्तीको लाइन काटिएको उनका भनाइ छ । बक्यौता नतिरे थप सडक बत्तीको लाइन काटिने चेतावनी प्राधिकरणले दिएको छ ।
नेपाल विद्युत प्राधिकरण विराटनगर वितरण केन्द्रअन्तर्गत मोरङका पाँच वटा स्थानीय तहमा सेवा प्रवाह गर्दै आएको छ । पाँच वटा स्थानीय तहले सडक बत्तीको विद्युत बक्यौता १६ करोड ८१ लाख ८४ हजार ९१८ रुपैयाँ रहेको छ । पाँच स्थानीय तहमध्ये विराटनगर महानगरपालिकाको सबैभन्दा बढी बक्यौता तिर्नुपर्ने देखिएको छ । गत २१ असोजमा बक्यौता तिर्न प्राधिकरणले गोरखापत्रमा ४५ दिने सूचना निकालेको थियो ।
यस्तैगरी बुढीगंगा गाउँपालिकाले ८२ लाख २५ हजार ११४, ग्रामथान गाउँपालिकाले १ करोड ५१ लाख ४४ हजार ४०२, जहदा गाउँपालिकाले २ करोड ३६ लाख ८८ हजार ३१६ रुपैयाँ र कटहरी गाउँपालिकाले १ करोड ४६ लाख २३ हजार ९५ रुपैयाँ सडक बत्तीको बक्यौता तिर्नुपर्ने देखिएको नेपाल विद्युत प्राधिकरण विराटनगर वितरण केन्द्रले जनाएको छ । उक्त प्राधिकरणको ८४ हजार २४३ ग्राहक संख्या रहेको छ ।
यता महानगरपालिकाले विद्युत प्राधिकरणलाई सम्पत्ति कर र बिजुलीको पोलको भाडा तिर्न ताकेता गर्दै आएको छ । प्राधिकरणबाट बक्यौता तिर्न दबाब आएपछि महानगरपालिकाले पनि केही महिनाअगाडि विद्युत प्राधिकरणलाई पत्र लेख्दै सम्पत्ति कर र महानगरभित्र रहेका बिजुलीको पोलको भाडा तिर्न आग्रह गरेको थियो । महानगरपालिकाले बिजुलीको खम्बा इन्टरनेट सेवा प्रदायकलाई दिएबापत भएको आम्दानीको १० प्रतिशत बहाल कर पनि तिर्न आग्रह गरेको छ ।
प्रमुख प्रशासकीय अधिकृत राजेन्द्र पराजुलीले प्राधिकरणलाई पठाएको पत्रमा सम्पत्ति कर ३ करोड ८१ लाख ८५ हजार ७३३ रुपैयाँ तिर्न बाँकी रहेको उल्लेख छ । महानगरमा २३ हजार १५१ वटा बिजुलीका पोल छन् । महानगरले ती पोलको सात वर्षको ६ करोड १९ लाख २८ हजार ९२५ रुपैयाँ भाडा बुझाउन ताकेता गरेको हो ।
महानगरले १० करोड १ लाख १४ हजार ६५८ रुपैयाँ कर तिर्न अनुरोधसहित पत्र पठाएका थिए । महानगरले बिजुलीको खम्बाको भाडा भने २०७४/७५ सालबाट लिन थालेको हो । महानगरपालिकाले आर्थिक वर्ष २०७४/७५ मा बिजुलीको प्रतिपोल भाडा २७५ रुपैयाँ, २०७५/७६ मा ३०० रुपैयाँ, २०७६/७७ मा ३५० रुपैयाँ र २०७७/७८ मा ४०० तोकेको थियो । २०७८/७९ मा ४२५, २०७९/८० मा ४५० र चालु आर्थिक वर्षका लागि ४७५ रुपैयाँ प्रतिपोलको वार्षिक शुल्क तोकेको छ ।
प्राधिकरणले सम्पत्ति कर र पोलको भाडा तिरेपछि महानगरपालिकाले विद्युतको बक्यौता तिर्ने विराटनगर महानगरपालिका प्रमुख नागेश कोइरालाले बताए ।
विद्युत प्राधिकरण विराटनगर वितरण केन्द्रका प्रमुख साहले महानगरपालिकाले पठाएको पत्र प्राधिकरण केन्द्रीय कार्यालयमा पठाएको बताए । पोलको कर तिर्ने प्राक्टिसमा नभएको प्राधिकरणको भनाइ छ ।
शुक्रवार मध्यरातिको भूकम्पमा परेर मृत्यु भएकी जाजरकोट भेरी नगरपालिकाकी ८ वर्षीया विष्णु तिरुवाको दाहसंस्कारका लागि आफन्त र गाउँलेहरू सोमवार भेरी नदी घाटमा पुगेका थिए । सोमवार अपरान्ह उनको शव लिएर मलामी...
सरकारी जग्गा हिनामिना प्रकरणमा डलर अर्बपति एवं कांग्रेस सांसद विनोद चौधरी पनि तानिएका छन् । बाँसबारी छाला जुत्ता कारखानाको जग्गा हडपेको आरोपमा भाइ अरुण चौधरी पक्राउ परेलगत्तै विनोद चौधरीले समेत संल...
जाजरकोट भूकम्पमा ज्यान गुमाउनेमध्ये आधा बढी बालबालिका रहेका छन् । नेपाल प्रहरीले उपलब्ध गराएको तथ्याङ्क अनुसार कात्तिक १७ गते राति गएको भूकम्पबाट मृत्यु भएका १५३ मध्ये ७८ बालबालिका छन् । जाजरक...
दाङको तुलसीपुर उपमहानगरपालिका वडा नम्बर– १९ बिजौरीका २२ वर्षीय युवक प्रतीक पुनमाथि परिवारको ठूलो जिम्मेवारी थियो । दुवै मिर्गौला फेल भएर बाबा ताराप्रसाद पुनको एक वर्षअघि मृत्यु भएपछि लागेको ...
भूकम्पमा परेर रुकुम पश्चिमबाट उद्धार गरी काठमाडौं ल्याइएकी ६३ वर्षीया वृद्धा बली बुढाथोकीले आफूले नसोचेको घटना भोग्नु परेको बताएकी छिन् । उपचारका लागि त्रिवि शिक्षण अस्पताल महाराजगञ्जमा ल्याइएकी बुढाथोकीले आफू ...
‘मोबाइल डिभाइस म्यानेजमेन्ट सिस्टम (एमडीएमएस)’ आज (सोमबार)देखि लागू हुने भएको छ । नेपाल दूरसञ्चार प्राधिकरणले पहिलो चरणमा प्रणालीमा दर्ता नभएका केही मोबाइलको नेटवर्क लक गरेर यो प्रणाली कार्यान्वयन...
२०६२ सालपछिको कुरा हो, अख्तियार दुरूपयोग अनुसन्धान आयोगका एकजना उपसचिव र एकजना शाखा अधिकृत कम्पनी रजिष्ट्रारको कार्यालयमा सरुवा भएर गए । यति मात्र होइन, राष्ट्रिय सतर्कता केन्द्रका एक उपसचिव पनि सोही कार्यालयमा...
धेरै पहिलेको कुरा हो एक जना सज्जनका दुई भाइ छोरा थिए । उनीहरूबीच निकै मिल्ती थियो । एकपटक भगवान्ले आएर वरदान माग भनेकाले उनीहरूले अमरताको वर मागेका थिए । उनीहरूको कुरा सुनेर भगवान्ले भने– ‘...
ललितपुरको गोदावरीस्थित सनराइज हलमा नेकपा (एमाले)का दुई महत्वपूर्ण कार्यक्रम भए । एमालेको प्रथम विधान महाधिवेशन (२०७८ असोज १५ र १६ गते) सनराइज हलमै भएको थियो । विधान महाधिवेशनले विभाजनदेखि चौतर्फी घेराबन्दी...