काठमाडौं, १७ कात्तिक — फिनल्यान्डको जंगलमा हिउँले घेरिएर रात बिताउने कल्पना गर्दा पनि काँप छुट्छ । तर हरेक वर्ष त्यहाँ रात बिताउनका लागि मानिसहरू होड गर्छन् ।

जंगलको बीचमा बनेका काँचका इग्लूहरूमा समय बिताउनु कुनै सपनाभन्दा कम छैन ।

काँचको इग्लूमा बस्ने अनुभव नितान्त नौलो हुन्छ । पूरै पारदर्शी काँचका इग्लूमा बसेर नर्दन लाइट्स हेर्नका लागि मानिसहरू हत्ते गर्छन् ।

नर्दन लाइट्स प्रकृतिको एक चमत्कार हो । धर्तीको ग्यास पार्टिकल्स र सूर्यको पार्टिकलको टक्कर हुँदा आकाशमा रंगहरू देखिन्छन् । यीमध्ये सबभन्दा सामान्य रंग हल्का पहेंलो हरियो हुन्छ ।

धर्तीभन्दा ६० माइलमाथि अक्सिजनका मोलिक्युल्स उत्पन्न हुन्छन् । शहरको उज्यालोभन्दा पर जंगलमा गएर यो चमत्कार हेर्नुको मज्जा छुट्टै छ ।

गोल्डेन क्राउन होटेलले बनाएको यी २४ इग्लूहरूमा संसारभरिका सुविधा छन् । त्यहाँको काँचलाई कुहिरोले छेक्दैन र आकाशको दृश्य मज्जाले देखिन्छ ।

एजेन्सी