कात्तिक १८, २०८०
गएराति गएको भूकम्पले सबैभन्दा बढी जाजरकोटको नलगाड क्षेत्रमा क्षति गरेको छ । नलगाड नगरपालिकामा मात्रै तीन दर्जन बढीको ज्यान गएको जिल्ला प्रशासन कार्यालय जाजरकोटले जनाएको छ । अझै यकिन विवरण आउन बाँकी छ । ...
माघ १, २०७५
काठमाडौं – भूकम्प प्रभावित पुरातात्विक एवं सांस्कृतिक सम्पदा तथा परम्परागत बस्तीमध्ये ४२ प्रतशित सम्पदा पुनर्निर्माणको काम अझै शुरू भएको छैन । पुनर्निर्माण प्राधिकरण गठन भएको तीन वर्ष बितिसक्दा पनि अझै करीब आधा सांस्कृतिक सम्पदा पुनर्निर्माणको काम शुरू हुन नसकेको हो ।
२०७२ वैशाखमा गएको भूकम्पका कारण कुल ७ सय ५३ पुरातत्विक एवं सांस्कृतिक सम्पदा तथा परम्परागत बस्तीमा आंशिक तथा पूर्ण क्षति पुगेको थियो । जसमध्ये अझै ३ सय १७ वटा यस्ता सम्पदाको पुनर्निमार्णको कार्य शुरू नै नभएको राष्ट्रिय पुनर्निर्माण प्राधिकरणले जानकारी दिएको छ । यो कुल पुनर्निर्माण गर्नुपर्ने सम्पदाको ४२ प्रतिशत हो ।
प्राधिकरणका अनुसार गत आइतवारसम्म २ सय १२ वटा यस्ता सम्पदा पुनर्निर्माणको काम सम्पन्न भएको छ । यो कुल पुनर्निर्माण गर्नु पर्ने सम्पदाको २८ प्रतिशत हो ।
त्यस्तै २ सय २४ यस्ता सम्पदाको पुनर्निर्माणको कार्य चलिरहेको पुनर्निर्माण प्राधिकरणले जानकारी दिएको छ ।
प्राधिकरणले चालू आर्थिक वर्ष २०७५/०७६ मा ५० प्रतिशत यस्ता सम्पदा पुनर्निर्माणको काम सम्पन्न गर्ने लक्ष्य लिएको प्राधिकरणका प्रमुख कार्यकारी अधिकृत सुशीलकुमार ज्ञवालीले जानकारी दिए ।
त्यस्तै आगामी आर्थिक वर्षमा यस्तो सम्पदाको पुनर्निमाण ७५ प्रतिशत सक्ने र आर्थिक वर्ष २०७७/७८ मा सम्पदा लगायत सबै पुनर्निर्माण सम्पन्न गर्ने लक्ष्य रहेको ज्ञवालीको भनाइ छ ।
'रानी पोखरीको पुनर्निर्माण कहिले सकिन्छ?'
प्रधानमन्त्री केपी शर्मा ओलीले रानीपोखरी पुननिर्माण सक्न कति समय लाग्ने भन्दै प्रश्न उठाएका छन् ।
पुनर्निर्माण प्राधिकरण परामर्श परिषद्मा प्रधानमन्त्री ओलीले रानी पोखरी पुनर्निर्माणको कार्य शुरू नै नभएको भन्दै त्यसको पुनर्निर्माण सक्नुभन्दा अघि प्राधिकरणको कार्यकाल सकिने बताए ।
‘रानी पोखरी पुनर्निर्माणको कार्य शुरू नै भएको छैन । त्यसको निर्माण कति वर्षमा सकिन्छ ?’ उनले भने, ‘ठेकेदारले रानी पोखरी निर्माणका लागि दुई वर्ष समय मागेको छ । दुई वर्ष त पुनर्निर्माण प्राधिकरणको कार्यकाल समेत छैन ।’
तर दुई वर्ष समय छैन भनेर हतार गर्न नहुने प्रधानमन्त्री ओलीको भनाइ थियो । दुईवर्ष समय छैन भनेर अहिले नै हतार गर्न नपर्ने र अनुगमनलाई अझै प्रभावकरी बनाउनु पर्ने ओलीले बताए ।
‘समय छैन भनेर हतार किन गर्ने ?’ उनले भने, ‘हामीसँग अझै डेढ दुई वर्ष समय बाँकी छ । अनुमगनलाई प्रभावकरी बनाउनुस् ।’
तीन वर्षमा आधा पनि बनेन निजी आवास
पुनर्निर्माण प्राधिरकणका अनुसार गत आइतवारसम्म कुल निजी आवासमध्ये ३ लाख ४७ हजार ८ सय १७ वटा निजी आवासको पुनर्निर्माण सकिएको छ । यो कुल पुनर्निर्माण हुनुपर्ने निजी आवासको ४६ प्रतिशत हो । भूकम्पका कारण ८ लाख ११ हजार १ सय ५४ कुल निजी आवास आंशिक तथा पूर्ण क्षति भएका थिए ।
प्राधिकरणका अनुसार कुल ५ लाख ७८ हजार ८ सय ४७ निजी आवास पुनर्निर्माणको काम शुरू भएको छ ।
भूकम्प प्रभावित निजी आवासमध्ये हालसम्म कुल ९९ प्रतिशतले पहिलो किस्ता अनुदान पाएको प्राधिकरणको तथ्याङ्क छ । त्यस्तै ७१ प्रतिशतले दोस्रो किस्ता अनुदान पाएका छन् । त्यसैगरी ४७ प्रतिशत भूकम्पपीडितले तेस्रो किस्ता भुक्तानी पाएको प्राधिरणले जानकारी दिएको छ । कुल ७ लाख ४९ हजार १ सय ५५ निजी आवाससँग अनुदान सम्झौता गरिएको थियो ।
प्रधिकरणका प्रमुख कार्यकारी अधिकृत सुशील ज्ञवालीले बस्ती स्थानान्तरण तथा कतिपय ठाउँमा स्थानीय निकायले समेत केही झमेला गर्दा पुनर्निर्माणको काम सोचेजस्तो अघि बढ्न नसकेको बताए ।
१४ सय स्कूल र ४ सय स्वास्थचौकी निर्माण शुरू हुने बाँकी
भूकम्पले प्रभावित कुल ७ हजार ५ सय ५३ वटा शिक्षण संस्था पूर्ण एवं आंशिक रूपमा प्रभावित भएका थिए । प्राधिकरणले हालसम्म कुल ४ हजार १ सय ७२ शिक्षण संस्था पुनर्निर्माणको काम सम्पन्न गरिएको जानकारी दिएको छ । १ हजार ९ सय २१ संस्था पुनर्निर्माणको चरणमा रहेका प्राधिकरणले जानकारी दिएको छ । अझै १ हजार ४ सय ६० शिक्षण संस्था पुनर्निर्माणको काम शुरू नभएको प्राधिकरणको तथ्याङ्क छ ।
त्यस्तै कुल १ हजार १ सय ९७ वटा स्वास्थ संस्था भूकम्पका कारण आंशिक तथा पूर्णरूपमा क्षति पुगेपनि अझै ४ सय ९ स्वास्थ संस्था पुनर्निर्माणको काम शुरू नभएको प्रािधकरणले जानकारी दिएको छ । प्राधिकरण अनुसार ६ सय ४३ स्वास्थ संस्थाको पुनर्निर्माण सम्पन्न भएको छ भने १ सय ४५ स्वास्थ संस्था निर्माण कार्य चलिरहेको छ ।
गएराति गएको भूकम्पले सबैभन्दा बढी जाजरकोटको नलगाड क्षेत्रमा क्षति गरेको छ । नलगाड नगरपालिकामा मात्रै तीन दर्जन बढीको ज्यान गएको जिल्ला प्रशासन कार्यालय जाजरकोटले जनाएको छ । अझै यकिन विवरण आउन बाँकी छ । ...
भूकम्पमा परेर रुकुम पश्चिमबाट उद्धार गरी काठमाडौं ल्याइएकी ६३ वर्षीया वृद्धा बली बुढाथोकीले आफूले नसोचेको घटना भोग्नु परेको बताएकी छिन् । उपचारका लागि त्रिवि शिक्षण अस्पताल महाराजगञ्जमा ल्याइएकी बुढाथोकीले आफू ...
गत शुक्रबार राति गएको भूकम्पले जाजरकोट र रुकुम पश्चिम तहसनहस बनेका छन् । बाक्लो बस्ती रहेका बस्ती भूकम्पले उजाड बनेका छन् । प्रभावित क्षेत्रमा सन्नाटा छाएको छ । बाँचेकाहरू शोक र पीडामा छन् । ...
जाजरकोट भूकम्पमा ज्यान गुमाउनेमध्ये आधा बढी बालबालिका रहेका छन् । नेपाल प्रहरीले उपलब्ध गराएको तथ्याङ्क अनुसार कात्तिक १७ गते राति गएको भूकम्पबाट मृत्यु भएका १५३ मध्ये ७८ बालबालिका छन् । जाजरक...
दाङको तुलसीपुर उपमहानगरपालिका वडा नम्बर– १९ बिजौरीका २२ वर्षीय युवक प्रतीक पुनमाथि परिवारको ठूलो जिम्मेवारी थियो । दुवै मिर्गौला फेल भएर बाबा ताराप्रसाद पुनको एक वर्षअघि मृत्यु भएपछि लागेको ...
सरकारी जग्गा हिनामिना प्रकरणमा डलर अर्बपति एवं कांग्रेस सांसद विनोद चौधरी पनि तानिएका छन् । बाँसबारी छाला जुत्ता कारखानाको जग्गा हडपेको आरोपमा भाइ अरुण चौधरी पक्राउ परेलगत्तै विनोद चौधरीले समेत संल...
नेपालमा भएका जनयुद्ध, जनआन्दोलन, मधेश आन्दोलन लगायतका आन्दोलनहरूको मूल आशय एकल जातीय एकात्मक राज्य संरचनालाई पुनर्संरचना गरी बहुलतामा आधारित समावेशी राज्य निर्माण गर्ने रहेको थियो । अर्थात्, जातीय उत्पीडन र आन्त...
एक दिन प्रातः भ्रमणमा गएको बेला कुनै एक सज्जनले सोधे– ‘कागहरू किन स्वतन्त्र हुन्छन् र सुगाहरू किन बन्धनमा पर्छन् थाहा छ ?’ मैले भनेँ– अहँ, थाहा छैन, भन्नुस् न किन त्यस्तो हुन्छ ?’ उत्त...
आगामी वर्ष २०८१/०८२ को बजेट तथा वार्षिक विकास कार्यक्रम प्रस्तुत हुने संवैधानिक समयसीमा एकदमै नजिक छ । अर्थशास्त्री, सर्वसाधारण, राजनैतिक कार्यकर्ता, विकास साझेदार, उद्यमी, लगानीकर्ता र बेतनभोगीहरू आ–आफ्नै ...