नवजात शिशुको दुवै हातमा ६–६ औंला, बढी औंला काटिन् नर्सले, शिशुको मृत्यु

काठमाडौं – भारतको उत्तर प्रदेशस्थित हरदोईमा रहेको एक सरकारी अस्पतालमा एक नर्सले एक नवजातको औंलाहरू काटिदिँदा शिशुको मृत्यु भएको छ । 

ती नवजातका दुवै हातमा ६–६ औंला थिए । नर्सले जान्ने भएर प्रत्येक हातको एक–एक औंला काटिदिइन् । त्यसपछि शिशुको स्वास्थ्य बिग्रियो र मृत्यु भयो । 


Advertisement

शिशुका पिताले नर्स विद्या देवीविरुद्ध उजुरी दर्ता गरेका छन् । प्रहरीले हत्याको उजुरी दर्ता गरेर अनुसन्धान शुरू गरेको छ । 


Advertisement

शनिवार राति बाड करेंखा गाउँमा बस्ने लक्ष्मी नामक महिला प्रसव पीडा भएपछि बिलग्रामको सामुदायिक स्वास्थ्य केन्द्रमा भर्ना हुन आएकी थिइन् । आइतवार बिहान उनले छोरा जन्माइन् । नवजातको दुवै हातमा ६–५ औंला थिए । 

लक्ष्मीका पति रवीन्द्रले नवजातको एक–एक औंला नर्स विद्या देवीले काटेको आरोप लगाए । बच्चाको स्वास्थ्य बिग्रे पनि स्वास्थ्य केन्द्रले आमा र शिशु दुवैलाई डिस्चार्ज गरेको अनि बाहिर आउनेबित्तिकै शिशुको मृत्यु भएको उनले बताए । 

स्वास्थ्य केन्द्रका डाक्टर एसके रावतले भने, ‘बच्चाको औंला काट्नका लागि परिवारसँग सहमति लिइएको थियो कि थिएन भन्ने विषयमा अनुसन्धान गरिनेछ । दोषी भेटिएमा सम्बन्धित कर्मचारीविरुद्ध कारवाही चलाइनेछ ।’

एजेन्सी

कमेन्ट गर्नुहोस्