तल्लो डोल्पामा पर्ने मुड्केचुला गाउँपालिका २ महिनापछि सञ्चारको पहुँचमा जोडिएको छ ।
बिग्रेको मोबाइल टावर बनेसँगै फोनमा कुरा गर्नका लागि छिमेकी स्थानीय तहको नेटवर्क सिग्नल खोज्दै अग्ला डाँडापाखा र सुरीला रुख चढ्नुपर्ने बाध्यता हटेको हो ।
Advertisement
दूरसञ्चार प्राधिकरणबाट प्राविधिक टोली आएर कालिकास्थित अदलेखमा राखिएको टावर बनाएपछि आइतवार दिउँसोदेखि सेवा नियमित भएको गाउँपालिकाले जानकारी दिएको छ ।
चिनियाँ स्याटलाइट बन्द गरिदिएपछि भदौ अन्तिमसातादेखि सिंगो गाँउपालिकानै सञ्चारविहीन भएको थियो । लामो समयदेखि अवरुद्ध टावर बनेपछि स्थानीयले खुशी व्यक्त गरेका छन् ।
Advertisement
मोबाइल टावर बिग्रिएपछि स्थानीयले ठूलो सञ्चार सास्ती खेप्दै आएको र टावर बनेसँगै शुक्रवारदेखि सूचना आदान प्रदान गर्न सजिलो भएको गाउँपालिकाका अध्यक्ष दत्तबहादुर शाहीले जानकारी दिए ।
भरपर्दो टावर नहुँदा पटक–पटक सास्ती खेप्दै आएको बताउँदै गाउँपालिकामा नयाँ टावर निर्माणका लागि ल्याइएको सामान भने बीचबाटोमै अलपत्र परेको स्थानीय दीर्घ शाहीले बताए ।
काइके गाउँपालिकामा भने टेलिफोन सेवा अझै सञ्चालन हुन सकेको छैन ।
कमेन्ट गर्नुहोस्
सम्बन्धित समाचार
![फेरि अध्यादेश ल्याएर पार्टी फुटाउने प्रयास हुन्छ कि भनेर हामी चिन्तित बनेका हौं : वेदुराम भुसाल [अन्तर्वार्ता]](https://lktcdn.prixacdn.net/media/beduram_bhusal_oB4acEhNth.png.200x200_q70_crop.jpg)
ताजा समाचार
लोकान्तर संवाददाता