निर्मला प्रकरण विवादमा पत्रकार खेम भण्डारी जेल चलान

कञ्चनपुरकी बालिका निर्मला पन्त हत्या प्रकरणसँग जोडिएको एक अदालती मुद्दालाई प्रभावित पार्ने गरी समाचार सम्प्रेषण गरेको भन्दै अदालतको अवहेलनामा पत्रकार खेम भण्डारी जेल चलान भएका छन् ।

अदालतको अवहेलना हुने गरी समाचार र सामाजिक सञ्जालमा लेखेको जिल्ला अदालत कञ्चनपुरले ठहर गर्दै १ घण्टा जेल सजाय तोकेको थियो ।


Advertisement

जिल्ला अदालतले राखेका शर्त पूरा नगरेपछि मंगलवार भण्डारीलाई जेल चलान गरिएको छ । जिल्ला अदालत कञ्चनपुरले भण्डारीलाई ३ शर्तसहित १ घण्टा कैद र १ रुपैयाँ जरिवानाको फैसला गरेको थियो ।


Advertisement

भण्डारीले कञ्चनपुर कारागारमा १ घण्टा जेल कटाएपछि मंगलवारै छुट्ने जनाइएको छ । जिल्ला बार इकाइले पत्रकार भण्डारीविरुद्ध अदालतको अवहेलना मुद्दा दायर गरेको थियो ।

पत्रकार भण्डारीले आफूले कुनै गलत काम नगरेको भन्दै अदालतका शर्त मान्न अस्वीकार गरेका थिए । 

पत्रकार भण्डारी महेन्द्रनगरबाट प्रकाशित हुने मानखण्ड दैनिकका सम्पादक, रेडियो महाकालीका सञ्चालक तथा न्यूनतम पारिश्रमिक निर्धारण समितिका पूर्व अध्यक्ष समेत हुन् ।

कमेन्ट गर्नुहोस्