नेपाल वायु सेवा निगमले एक महिनाको अवधिमा विभिन्न मुलुकबाट १० हजार ९ सय १२ नेपाली नागरिकको उद्धार गरेको छ ।

निगमले ५८ वटा उडानमार्फत जुन १४ देखि जुलाई १२ (आइतवार)सम्ममा विदेशमा अलपत्र नेपालीलाई स्वदेश ल्याएको हो । 

निगमले आइतवार एक विज्ञप्ति जारी गर्दै कोरोना भाइरसले सिर्जिन महाव्याधीले निम्त्याएको विश्वव्यापी संकटसित जुध्न राष्ट्रिय ध्वजावाहक निगम अहोरात्र खटिएको जनाएको छ ।

निगमले यसबीचमा चीनको ग्वाङझाओ, चाङ्सा, कुनमिङ र बेइजिङबाट कार्गो चार्टर्ड उडानमार्फत स्वास्थ्य सामग्री ढुवानी गरेको छ भने दुबई, दोहा, क्वाललम्पुर, सिड्नी, ब्रिसबेन, नारिता, बैंकक, हङकङ, बहराइन, कुबेत, रियाद, जेद्दा, माले, ढाका लगायतका गन्तव्यहरुबाट ५८ वटा उद्धार उडान गरेको छ ।