×

NMB BANK
NIC ASIA

व्यक्ति विवादले मुख्यमन्त्री चयनमा ढिलाइ

सुदूरपश्चिममा एमालेले स्वीकारेन सोडारीको नेतृत्व, प्रदेशको विवाद फेरि केन्द्रमा

धनगढी | बैशाख ६, २०८१

NTC
Premier Steels

सुदूरपश्चिम प्रदेशको नयाँ मुख्यमन्त्री चयनमा ढिलाइ भएको छ । प्रदेश प्रमुख नजिर मियाँले संविधानको धारा १६८ (२) बमोजिम मुख्यमन्त्रीमा दाबी पेश गर्न दोस्रोपटक दिएको समयसीमा आजै सकिँदैछ । मुख्यमन्त्रीका लागि आजै साँझ ५ बजेसम्म दाबी पेश गर्न भनिएको छ । तर, अहिलेसम्म कसको नेतृत्वमा दाबी पेश गर्ने भन्नेमै सत्ता गठबन्धनमा विवाद छ । 

Muktinath Bank

सुदूरपश्चिममा हालसम्म सत्ता गठबन्धनबाट नेकपा (एकीकृत समाजवादी)ले मुख्यमन्त्री पाउने सहमति भएको छ । एकीकृत समाजवादीले सुदूरपश्चिम प्रदेश सभा संसदीय दलका नेता दीर्घबहादुर सोडारीलाई मुख्यमन्त्रीका रूपमा अघि सार्ने निर्णय पनि नगरिसकेको छ । तर, नेकपा (एमाले) सोडारीलाई मुख्यमन्त्री बनाउन तयार छैन । सोडारी पूर्वएमाले नेता नै हुन् । सोडारीले आचरणविपरीत काम गरेको भन्दै पार्टीले उनलाई कारबाही गरेको थियो । तत्कालीन नेकपा कालमा उनी प्रदेश सरकारको सामाजिक विकास मन्त्रीसमेत थिए । तर, पदीय आचरणविपरीत काम गरेको र गुटबन्दी गरेको भन्दै पार्टीले साधारण सदस्यसमेत नरहेनगरी निस्कासन गरेको थियो । पार्टीकै एक महिलासँग सोडारीको अनैतिक सम्बन्ध रहेको खुलेपछि उनलाई कारबाही गरेको थियो । नेकपा र एमाले विभाजनपछि उनी एकीकृत समाजवादीतिर लागे । पुरानै रिसीइबीका कारण सोडारीलाई मुख्यमन्त्री मान्न एमाले तयार छैन । एमाले अध्यक्ष ओलीले उनलाई फिटिक्कै मन पराउँदैनन् ।


Advertisment
RMC TANSEN
IME BANK INNEWS
shivam ISLAND

एकीकृत समाजवादी सोडारीबाहेक अरूलाई मुख्यमन्त्री बनाउने पक्षमा छैन । ‘हाम्रो पार्टीले सोडारीलाई मुख्यमन्त्री बनाउने निर्णय गरिसक्यो । मुख्यमन्त्री पाएपछि नेतृत्वका लागि व्यक्ति पठाउने जिम्मा हाम्रै पार्टीको हो । यसमा गठबन्धनमा सहभागी सबै दलले पनि समर्थन गर्नुपर्छ,’ एकीकृत समाजवादीका एक प्रदेश सभा सदस्यले भने । 


Advertisment
Nabil box
Kumari

एकीकृत समाजवादीले अडान नछोडेको खण्डमा सोडारी नै सुदूरपश्चिम प्रदेश सरकारको मुख्यमन्त्रीमा नियुक्त हुने सम्भावना छ । एमालेलाई गठबन्धन जोगाउन पनि समर्थन गर्नुपर्ने बाध्यता छ । ‘हामीलाई जुनसुकै व्यक्ति मुख्यमन्त्री भए पनि आपत्ति छैन । सरकार सञ्चालन हुनुपर्‍यो । जनताले सेवा पाउनु पर्‍यो । कुन दलको को व्यक्ति मुख्यमन्त्री बन्नुहुन्छ त्यो केन्द्रबाटै टुङ्गो लाग्छ । हामी त्यहीअनुसार अगाडि बढ्छौँ, ‘एमाले प्रदेश सभा सदस्य चक्र मल्लले भने ।

Vianet communication

सुदूरपश्चिमको सरकार गठनबारे प्रधानमन्त्रीसमेत रहेका माओवादी केन्द्रका अध्यक्ष पुष्पकमल दाहाल प्रचण्ड, एमाले अध्यक्ष ओली र एकीकृत समाजवादीका अध्यक्ष माधव नेपालबीचको छलफलले टुङ्गो लगाउने नेताहरू बताउँछन् । ‘एकीकृत समाजवादीले आफ्नो पार्टीबाट उम्मेदवारको नाम दिएको छ । उहाँका सन्दर्भमा सहमति नजुटे समाजवादीबाटै निर्वाचित अन्य प्रदेश सभा सदस्यलाई पनि मुख्यमन्त्री बनाउने बाटो खुला छ । केन्द्रको निर्णय नै हाम्रो हो । सहमतिकै आधारमा सरकार गठन हुन्छ,’ एमाले सुदूरपश्चिम संसदीय दल दलका नेता राजेन्द्र रावलले भने ।

सोडारीका नाममा गठबन्धनमा सहमति नजुटे एकीकृत समाजवादीका अर्का प्रदेश सभा सदस्य प्रकाश रावल पनि मुख्यमन्त्रीको लाइनमा छन् । एकीकृत समाजवादीको सरकारलाई एमाले–माओवादीससहित नागरिक उन्मुक्तिले समर्थन गर्ने सहमति छ । नाउपाका प्रदेश सभा सदस्य कैलाश चौधरी पार्टीको निर्णयभन्दा बाहिर नजाने बताए । ‘सहमतिअनुसार नै सरकार चलाउने हो । पार्टीले जस्तो निर्णय गर्‍यो । त्यस्तै कार्यान्वयन गर्छौँ । समयको मागअनुसार हामी कदम चाल्छौँ,’ चौधरीले भने । नागरिक उन्मुक्तिले साथ दिएको खण्डमा आजै एकीकृत समाजवादीको सरकार बन्ने छ । 

प्रदेश प्रमुख नजिर मियाँले शुरूमा १० दिनभित्र दाबी पेश गर्न समय तोकेका थिए । वैशाख २ गते अन्तिम दिन नाउपाका २ सांसदले दाबी पेस गरेपछि राजनीतिमा तरंग पैदा भएको थियो । नेपाली कांग्रेस नेतृत्वको सरकार असफल भएपछि एमाले–माओवादी नेतृत्वको नयाँ गठबन्धनको सरकार बन्ने लगभग निश्चित थियो । सरकार गठनका लागि प्रदेश प्रमुख मियाँले संविधानको धारा १६८ (५) मा जानु पर्नेमा पछाडि फर्किएर सरकार गठन आह्वान गरेका थिए । उपधारा ५ बाट सरकार गठन आह्वान गर्दा संसदीय दलको ह्वीप नलाग्ने भएपछि गठबन्धनको सरकार बन्ने निश्चित थिएन । उपधारा ५ अन्तर्गत पनि सरकार गठन हुन नसकेमा प्रदेश सभा विघटन भई मध्यावधि निर्वाचनमा जानुपर्ने हुन्छ । प्रदेश सभालाई जोगाउन प्रदेश प्रमुखले पुरानै धाराअन्तर्गत नयाँ सरकार गठनका लागि आह्वान गरेको दाबी गरिए पनि हालसम्म प्रदेशले मुख्यमन्त्री पाएको छैन । 

नाउपाका दुईथरि दाबीपछि बिग्रियो वातावरण
चैत्र २३ गते प्रदेश प्रमुख मियाँले १० दिनभित्र सरकार गठनका लागि दाबी पेश गर्न समय दिएका थिए । एमाले अध्यक्ष केपी ओली र प्रधानमन्त्रीसमेत रहेका माओवादी अध्यक्ष प्रचण्डले सुदूरपश्चिमको मुख्यमन्त्री नागरिक उन्मुक्ति पार्टी र नेकपा एकीकृत समाजवादीलाई दुवैलाई दिने आश्वास दिए । तर, नाउपा वा समाजवादी कसले पहिलो चरणमा नेतृत्व गर्ने समझदारी भने बन्न सकेन । 

सरकार सञ्चालनका लागि दाबी गर्ने अन्तिम दिन वैशाख २ गते मुख्यमन्त्रीका लागि नाउपाका प्रदेश सभा सदस्य लक्ष्मण किशोर चौधरी र कैलाश चौधरीले दाबी पेश गरे । लक्ष्मण किशोर नाउपा संस्थापक रेशम चौधरी र कैलाश अध्यक्ष रञ्जिता श्रेष्ठ पक्ष हुन् । एकीकृत समाजवादी संसदीय दलका नेता दीर्घ सोडारीले रेशम पक्षका लक्ष्मणकिशोरलाई समर्थन रहेको भन्दै हस्ताक्षर गरेका थिए । प्रदेश सभामा १९ सदस्य रहेको कांग्रेसले पनि रेशम पक्षलाई सघाउने निर्णय गरेको थियो । रञ्जिता पक्षका कैलाशलाई एमाले र माओवादी केन्द्रको साथ थियो । वर्तमान गठबन्धन छोडेर समाजवादी विपरीत गठबन्धनमा लागेपछि राजनीतिक तरंग फैलिएको थियो । केन्द्रीय नेताहरूबीचको छलफलले पहिलो चरणमा मुख्यमन्त्री समाजवादीलाई नै दिने निर्णय गरेपछि एकीकृत समाजवादीले लक्ष्मण किशोरलाई समर्थन नरहेको भन्दै पत्र बुझायो ।
प्रदेश सभामा ७ सदस्य रहेको नाउपाका दुई जनाले नै मुख्यमन्त्रीमा दाबी गरेपछि ७ मध्ये कति सांसदको साथ कैलाश र कति सांसदको साथ लक्ष्मण किशोरलाई नरहेको भन्दै प्रदेश प्रमुख मियाँले दुवै जनाको दाबी अस्वीकार गरी २ दिनभित्र पुनः दाबी पेश गर्न आह्वान गरेका हुन् ।  

hAMROPATRO BELOW NEWS
TATA Below
कात्तिक २०, २०८०

शुक्रवार मध्यरातिको भूकम्पमा परेर मृत्यु भएकी जाजरकोट भेरी नगरपालिकाकी ८ वर्षीया विष्णु तिरुवाको दाहसंस्कारका लागि आफन्त र गाउँलेहरू सोमवार भेरी नदी घाटमा पुगेका थिए ।​​ सोमवार अपरान्ह उनको शव लिएर मलामी...

मंसिर २५, २०८०

दाङको तुलसीपुर उपमहानगरपालिका वडा नम्बर– १९ बिजौरीका २२ वर्षीय युवक प्रतीक पुनमाथि परिवारको ठूलो जिम्मेवारी थियो ।  दुवै मिर्गौला फेल भएर बाबा ताराप्रसाद पुनको एक वर्षअघि मृत्यु भएपछि लागेको ...

कात्तिक १८, २०८०

गएराति गएको भूकम्पले सबैभन्दा बढी जाजरकोटको नलगाड क्षेत्रमा क्षति गरेको छ । नलगाड नगरपालिकामा मात्रै तीन दर्जन बढीको ज्यान गएको जिल्ला प्रशासन कार्यालय जाजरकोटले जनाएको छ । अझै यकिन विवरण आउन बाँकी छ ।  ...

कात्तिक २१, २०८०

गत शुक्रबार राति गएको भूकम्पले जाजरकोट र रुकुम पश्चिम तहसनहस बनेका छन् । बाक्लो बस्ती रहेका बस्ती भूकम्पले उजाड बनेका छन् । प्रभावित क्षेत्रमा सन्नाटा छाएको छ ।  बाँचेकाहरू शोक र पीडामा छन् ।  ...

कात्तिक १८, २०८०

भूकम्पमा परेर रुकुम पश्चिमबाट उद्धार गरी काठमाडौं ल्याइएकी ६३ वर्षीया वृद्धा बली बुढाथोकीले आफूले नसोचेको घटना भोग्नु परेको बताएकी छिन् । उपचारका लागि त्रिवि शिक्षण अस्पताल महाराजगञ्जमा ल्याइएकी बुढाथोकीले आफू ...

माघ १८, २०८०

​सरकारी जग्गा हिनामिना प्रकरणमा डलर अर्बपति एवं कांग्रेस सांसद विनोद चौधरी पनि तानिएका छन् । बाँसबारी छाला जुत्ता कारखानाको जग्गा हडपेको आरोपमा भाइ अरुण चौधरी पक्राउ परेलगत्तै विनोद चौधरीले समेत संल...

जब अख्तियारकै कर्मचारी मालदार अड्डामा सरुवा हुन्छन्…

जब अख्तियारकै कर्मचारी मालदार अड्डामा सरुवा हुन्छन्…

बैशाख १९, २०८१

२०६२ सालपछिको कुरा हो, अख्तियार दुरूपयोग अनुसन्धान आयोगका एकजना उपसचिव र एकजना शाखा अधिकृत कम्पनी रजिष्ट्रारको कार्यालयमा सरुवा भएर गए । यति मात्र होइन, राष्ट्रिय सतर्कता केन्द्रका एक उपसचिव पनि सोही कार्यालयमा...

उही खाट उही घाट

उही खाट उही घाट

बैशाख १५, २०८१

धेरै पहिलेको कुरा हो एक जना सज्जनका दुई भाइ छोरा थिए । उनीहरूबीच निकै मिल्ती थियो । एकपटक भगवान्ले आएर वरदान माग भनेकाले उनीहरूले अमरताको वर मागेका थिए । उनीहरूको कुरा सुनेर भगवान्ले भने– ‘...

ओलीलाई फापेको सनराइज हल

ओलीलाई फापेको सनराइज हल

बैशाख १२, २०८१

ललितपुरको गोदावरीस्थित सनराइज हलमा नेकपा (एमाले)का दुई महत्वपूर्ण कार्यक्रम भए । एमालेको प्रथम विधान महाधिवेशन (२०७८ असोज १५ र १६ गते) सनराइज हलमै भएको थियो । विधान महाधिवेशनले विभाजनदेखि चौतर्फी घेराबन्दी...

x