बक्र ईदमा आकासियो खसीबोकाको मूल्य, एउटैको साढे सात लाखसम्म !

बक्र ईदको अवसरमा भारतमा खसीबोकाको मूल्य महँगिएको छ । बक्र ईदमा बलिका लागि महँगोमा खसीबोका बिक्री भइरहेको भारतीय सञ्चार माध्यमहरूले जनाएका छन् । तीमध्ये केही खसीबोकाको मूल्य सात लाख बढी रहेको समाचारमा उल्लेख छ । 

मध्य प्रदेशको भोपालमा एक बिक्रेताले साढे सात लाखसम्म खसीबोका बिक्री गरेको न्युज इजेन्सी एएनआईले जनाएको छ । समाचारमा जनाइएअनुसार जयपुरका व्यवसायी मनोहर सिंहले प्रति खसीबोका २ लाखमा बिक्री गरेको समाचारमा उल्लेख छ । 

यस्तै, भोपालमा शाहब अलीले सबैभन्दा सस्तो खसीबोकाको मूल्य ५० हजार रुपैयाँ रहेको बताए । शाहब अलीसँग साढे सात लाखसम्मका खसीबोका छन् ।