सुर्खेतबाट भरुवा बन्दुकसहित एकजना पक्राउ, विप्लवमाथि प्रतिबन्धपछि उच्च सतर्कता

फागुन ३०, २०७५

काठमाडौं –सरकारले नेत्रविक्रम चन्द विप्लव नेतृत्वको नेकपालाई प्रतिबन्ध लगाउने  निर्णय गरेपछि प्रहरीले देशैभर उच्च सुरक्षा सतर्कता अपनाएको छ ।

गृहमन्त्रालको निर्देशन अनुसार नेपाल प्रहरी र सशस्त्र प्रहरीले विप्लवको पार्टीका नेता/कार्यकर्ता र उसका भ्रातृ संगठनहरूलाई निगरानीमा राख्न मातहतका कार्यालयहरूलाई परिपत्र गरिसकेका छन् ।


ADVERTISEMENT

मन्त्रिपरिषद्को यही फागुन २८ गते बसेको बैठकले विप्लव समूहमाथि प्रतिबन्ध लगाउने निर्णय गरेको थियो ।

तुलनात्मक रूपमा विप्लवको राम्रो प्रभाव रहेको मानिएको कर्णाली प्रदेशमा विशेष सतर्कता अपनाइएको सुर्खेतका कार्यबाहक प्रहरी प्रमुख प्रहरी नायब उपरीक्षक (डीएसपी) प्रदीप क्षेत्रीले जानकारी दिए । सुर्खेत कर्णाली प्रदेशको राजधानी समेत हो ।

यसक्रममा सुर्खेतको भेरीगंगा नगरपालिका वडा नम्बर ६ झिड्नीबाट २३ वर्षका गोविन्द सुनारलाई भरुवा बन्दुकसहति प्रहरीले नियन्त्रणमा लिएको छ ।

उनको साथबाट भरुवा बन्दुकका अलावा बारुद र बन्दुकका पाटपूर्जा समेत बरामद गरिएको डीएसपी क्षेत्रीले बताए ।

स्रोतका अनुसार शंकास्पद गतिविधि गर्ने जो कोहीलाई नछाड्न प्रहरीलाई सर्कुलर छ ।

यसका अलावा काठमाडौं उपत्यकामा एन्टी चाइनिज गतिविधि पनि हुनसक्ने भएकाले त्यसतर्फ पनि उच्च सतर्कता अपनाइएको प्रहरीका एक अधिकारीले बताए ।

विप्लवको खासै प्रभाव नभएपनि प्रदेश २ मा समेत सतर्कता अपनाइएको छ ।

फागुन ३०, २०७५ मा प्रकाशित

गगन अर्याल

लोकान्तर मल्टीमिडिया संवाददाता अर्याल सुरक्षा/अपराध तथा समसामयिक विषयमा समेत कलम चलाउँछन् ।

लेखकबाट थप...

प्रतिक्रिया दिनुहोस