काठमाडौं– सोमवार सार्वजनिक भएको आव २०७५÷०७६को आर्थिक सर्वेक्षण प्रतिवेदनले पुँजीगत खर्च हुने सरकारी प्रवृत्तिमा सुधार नआएको औंल्याएको छ ।

अर्थमन्त्री डा. युवराज खतिवडाले सोमवार प्रतिनिधि सभा संसदमा पेश गरेको प्रतिवेदनले सरकारको खर्च गर्ने क्षमतामा सुधार आएपनि सोको तुलनामा पुँजीगत खर्चको भुक्तानी गर्ने प्रवृत्तिमा सुधार नआएको औंल्याएको हो । ‘खर्च गर्ने क्षमतामा भएको सुधारको अनुपातमा पुँजीगत खर्चको भुक्तानी प्रवृत्तिमा सुधार भएको देखिदैन’ प्रतिवेदनमा भनिएको छ, ‘पछिल्ला वर्षहरुमा आर्थिक वर्षको अन्तिम २ महिनामा मात्रै कुल खर्चको ५० औषतमा प्रतिशत भन्दा बढि भुक्तानी भएको देखिन्छ, ।’

प्रतिवेदन अनुसार चालु आर्थिक वर्षको तेस्रो तथा अन्तिम चौमासिकमा मात्रै ६० प्रतिशत भन्दा बढि भुक्तानी हुने गरेको छ ।