चैत ७, २०८०
पोखरा क्षेत्रीय अन्तर्राष्ट्रिय विमानस्थल निर्माण अनियमितता प्रकरणमा समेत अर्थमन्त्री वर्षमान पुनको भूमिका शंकास्पद देखिएको छ । २०६८ सालमा अर्थमन्त्री रहेका बेला पुनले प्रचलित कानून, विधि र मापदण्डविपरीत विमानस्थल ...
जेठ २०, २०७६
जनकपुरधाम – नेपाल संघीय समाजवादी पार्टीकी सांसद सावित्रीदेवी साहले प्रदेश सभाबाट प्रत्येक महिना गाडी भाडावापत ६० हजार रुपैयाँ मासिक बुझ्दै आइरहेकी छन् ।
पार्टीको संसदीय दलको नेतासरह पाउने सुविधा अनुसार उनले गाडी भाडावापत रकम बुझ्ने गरेकी छिन् । ४ पांग्रे सवारीसाधन भाडामा लिएको भन्दै रकम बुझ्ने गरेकी छिन् तर ४ पांग्रे गाडीबाट उनी प्रदेशसभा आएको हालसम्म कहिल्यै देखिएको छैन ।
उनका स्वकीय सचिव समेत रहेका उनका पति सीताराम साहले हाक्ने गरेको मोटरसाइकलमा सवार भएर प्रदेशसभा आउने गरेकी छिन् । ना२०प ७२३२ नम्बरको मोटरसाइकलमा चढेर पतिपत्नी प्रदेशसभा आउने–जाने गर्छन् ।
मोटरसाइकलमा मात्र आउने–जाने गरेका सांसद साहका पति सीताराम साहले भने, ‘हुन त भारतीय नम्बर प्लेटको कार नै किनेको छु तर छोराले लगेका कारण उक्त गाडी नल्याएको हो ।’
भारतमा रहेका आफ्ना साला प्रमोद साहको नाममा रहेको बीआर ०६ बीआर ४४५८ नम्बरको भारतीय गाडी किनिसकेको उनले बताए । ‘नेपाली नम्बर प्लेटको गाडी धेरै महंगो भएकाले किस्ता तिर्न पनि अप्ठ्यारो पर्ने हुँदा भारतीय नम्बर प्लेटको नै गाडी किनेका हौं,’ उनले भने ।
इन्धनका लागि मासिक २ सय २५ लिटर डिजल र १० लिटर मोबिल समेत उनले बुझ्दै आएको प्रदेशसभा सचिवालयको अभिलेख रहेको छ । पार्टीबाट उनी प्रदेश सभामा एक्ली सांसद हुन् ।
‘गाडी सुविधा पाउने माननीयज्यूहरूमध्ये कुन माननीयज्यूले गाडी किन्नुभयो वा भएन त्यसको भरपाई भने राख्ने गरिएको छैन,’ प्रदेशसभा सचिवालयका सचिव रञ्जितकुमार यादव भन्छन्, ‘प्रदेश सभाले गाडी उहाँहरूलाई उपलब्ध गराएको भए अर्को कुरा हुन्थ्यो तर गाडी दिन नसकेपछि गाडी नै भाडामा लिएर चढ्नका लागि उक्त रुपैयाँ दिने गरिएको हो । माननीयज्यूहरू ठूलो मान्छे हो, हामीले केही भन्न पनि मिल्दैन ।’
मोटरसाइकल प्रयोग गरेर गाडी भाडा लिने कुरा नैतिकताको कुरा भएको बताउँदै प्रदेशसभा सचिवालयका कर्मचारीले पदको मर्यादा कसरी राख्ने भन्ने कुरा सांसदले नै ख्इाल गर्नुपर्ने बताए । सांसद साह समानुपातिक सांसद हुन् । उनको पार्टीबाट कुनै पनि सांसद चुनाव जित्न सकेन तर समानुपातिकतर्फ एउटा सीट भने पाएको छ । पार्टीबाट एक्लै सांसद भएका कारण प्रदेश सभाले उनलाई संसदीय दलको नेताको सुविधा प्रदान गर्दै आएको छ ।
मासिक २ लाख ४५ हजार रुपैयाँ बुझ्दै
सांसद साहले मासिक २ लाख ४५ हजार ७ सय ४० रुपैयाँ प्रदेश सभाबाट बुझ्दै आएकी छन् । दलको नेताले पाउने गरेको मासिक पारिश्रमिकवापत ५६ हजार ४ सय ९० रुपैयाँ, आवास सुविधावापत मासिक १८ हजार रुपैयाँ, गाडी भाडावापत ६० हजार रुपैयाँ मासिक पाउने गरेका छन् । त्यसका अतिरिक्त ३ हजार ३ सय रुपैयाँ फोनवापत, २ हजार २ सय रुपैयाँ निजी सचिवालय बन्दोबस्तवापत, २ हजार रुपैयाँ बिजुलीवापत, १० हजार रुपैयाँ अतिथि सत्कारवापत बुझ्दै आएकी छन् ।
निजी सचिवालयमा ‘बालिका’
उनले कर्मचारी सचिवालयवापत मासिक ७३ हजार ९ सय ५० रुपैयाँ बुझ्दै आएका छन् । कर्मचारी सचिवालयका लागि उनले आफ्ना पति सिताराम साह, कम्प्यूटर अपरेटरमा १७ वर्षीय निशाकुमारी महतो र अर्को कर्मचारीमा अजिताकुमारी साहलाई नियुक्त गरेका छन् । बालबालिकालाई कुनै पनि काममा लगाउन नपाइने अवस्थामा सांसद साहले सर्लाही कविलासी–७ की बिन्देश्वर महतोकी १७ वर्षीय छोरी निशाकुमारी महतोलाई कम्प्यूटर अपरेटरमा नियुक्त गरेको प्रदेशसभा सचिवालयको विवरणमा उल्लेख छ ।
गत २०७४ सालको माघ महिनादेखि नै सुविधा लिने गरेको भएपनि उनले पाएको संसदीय दलको कार्यालयमा कहिल्यै पनि कुनै निजी सचिवालयका अन्य कर्मचारी देखिएका छैनन् ।
बालिकालाई कर्मचारी सचिवालयमा किन राखेको भन्ने प्रश्नमा सांसद साहका पति सीताराम भन्छन्, ‘उमेरले के फरक पर्छ र ?’ प्रदेशसभा सचिवालयका सचिव यादवका अनुसार जागिर खानका लागि कम्तिमा पनि १८ वर्ष हुनैपर्छ । ‘यदि उहाँको सचिवालयका कर्मचारीले १७ वर्षको उमेरदेखि नै रकम बुझिरहेका छन् भने त्यो मिल्दैन, उपयुक्त पनि हुँदैन,’ प्रदेशसभा सचिवालयका सचिव यादवले भने । फर्निचरवापत ७० हजार रुपैयाँ समेत उनले एकमुष्ठ प्रदेश सभाबाट बुझिसकेका छन् ।
पोखरा क्षेत्रीय अन्तर्राष्ट्रिय विमानस्थल निर्माण अनियमितता प्रकरणमा समेत अर्थमन्त्री वर्षमान पुनको भूमिका शंकास्पद देखिएको छ । २०६८ सालमा अर्थमन्त्री रहेका बेला पुनले प्रचलित कानून, विधि र मापदण्डविपरीत विमानस्थल ...
संसदीय लोकतन्त्रलाई आदर्श मान्ने नेपाली कांग्रेसका सभापति एवं संसदीय दलका नेता शेरबहादुर देउवादेखि नयाँ दलको रूपमा उदाएको रास्वपाका सांसद स्वर्णिम वाग्ले तथा शिशिर खनालसम्मले महिनामा एकदिन पनि हाजिरी नग...
मकवानपुरको साबिक हर्नामाडी गाविसका रुद्रप्रसाद खतिवडाले २०८० साल कात्तिक २३ गते यातायात कार्यालय चितवनबाट 'ए' र 'बी' वर्ग (मोटरसाइकल, स्कूटर कार, जीप, भ्यान)को लाइसेन्स नवीकरण गराएका छन्...
यातायात व्यवस्था विभागका उच्च अधिकारी, विभिन्न यातायात कार्यालयका प्रमुख तथा कर्मचारी र बिचौलियाको मिलेमतोमा झन्डै ३० हजार अवैध लाइसेन्स जारी भएको पाइएको छ । विगत ६ महिनायता लिखित र ट्रायल परीक्षा नै...
नेपाल पर्यटन तथा होटल व्यवस्थापन प्रतिष्ठान (नाथम)का प्रिन्सिपल रामकैलाश बिछाको स्नातकोत्तरको शैक्षिक प्रमाणपत्र नक्कली रहेको आरोप त्यहाँ कार्यरत शिक्षकहरूले लगाएका छन् । संस्कृति, पर्यटन तथा नागरिक उड्डयन मन्त्...
कार्यक्रम : राष्ट्रपति, उपराष्ट्रपतिसहित भीभीआईपीहरूको लर्को लागेको एउटा भव्य विवाह समारोह । मिति : २०८० साल, मंसिर २९ गते, शुक्रवार स्थान : गोकर्ण रिसोर्ट, काठमाडौं । (पाँच तारे स्तरको डिलक्स रिसोर्ट) ...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...
निरन्तर १८ वर्ष लामो कन्जरभेटिभ पार्टीको सरकारलाई विस्थापित गर्दै लेबर पार्टीका नेता टोनी ब्लेयर सन् १९९७ को मे २ मा बेलायतको प्रधानमन्त्री बन्न सफल भएका थिए । लेबर पार्टीका नेता जोन स्मिथको निधनपश्चात पार्टीको ...
जनता समाजवादी पार्टीमा आएको विभाजन पहिलो पनि होइन र अन्तिम पनि होइन । राजनीतिक दलमा आएको विभाजनको लामो शृङ्खला हेर्ने हो भने पनि यो न पहिलो हो, न अन्तिम । दुःखद् कुरा के भने राजनीतिक दल विभाजनको नयाँ कोर्...