दोभासेको व्यवस्था गर्न प्रदेश सरकारसँग महासंघको माग

जेठ २१, २०७६

सुर्खेत- राष्ट्रिय अपांग महासंघ नेपाल कर्णाली प्रदेशले मंगलवार प्रदेश सरकारसँग दोभाषेको व्यवस्था गर्न माग गरेको छ ।

अपाङ्गता भएका व्यक्तिहरूका लागि दोभाषेको आवश्यकता परेको भन्दै अध्यक्ष विष्णु शर्माले अपांगता भएका व्यक्तिका समस्या जान्न दोभाषेको आवश्यकता परेको जानकारी दिएका हुन् । 


ADVERTISEMENT

‘अहिले कर्णाली प्रदेशमा दोभाषेको अभाव छ,’ उनले भने, ‘दोभाषेलाई सेवा र सुविधा दिने गरी आर्थिक वर्ष २०७६/०७७ को बजेटमा आवश्यक बजेटको व्यवस्था गर्न सरकारसँग माग गर्दछु ।’

प्रदेश सरकारको कम्तिमा समाजिक विकास मन्त्रालय  र राष्ट्रिय अपाङ्ग महासंघ नेपाल कर्णाली प्रदेश कार्यालयमा बहिरा अपाङ्गता भएका व्यक्तिहरूसँग नियमित सञ्चारको लागि दोभाषेको उचित व्यवस्था गरिनुपर्ने उनको भनाइ छ ।

अटिज्म र बौद्धिक अपाङ्गता भएका व्यक्तिहरूको लागि स्याहारकर्ता सम्बन्धी विशेष व्यवस्था समावेश हुनुपर्ने, मोफेलिया अपाङ्गता भएका व्यक्तिहरूका लागि आवश्यक औषधि तथा स्वास्थ्य उपचार सेवा कर्णाली प्रदेशभित्र रहेका स्वास्थ्य केन्द्रहरूबाट उपलब्ध गराउने व्यवस्था हुनुपर्ने अध्यक्ष शर्माले बताए ।

यस्तै कार्यक्रम अधिकृत निर्मला खत्रीले मनोसामाजिक अपाङ्गता भएका व्यक्तिहरूको लागि पुन:स्थापनाका लागि विषेश कार्यक्रमहरू व्यवस्था हुनुपर्ने, १० वर्षे सशस्त्र द्वन्द्व तथा जनआन्दोलनमा अपाङ्गता वर्णन गरेका तथा सम्भव  भएका अपाङ्गता भएका व्यक्तिहरूलाई आयआर्जन तथा स्वरोजगार सम्बन्धी कार्यक्रमहरू समावेश हुनुपर्ने र कर्णाली प्रदेशभित्र विभिन्न अपाङ्गता भएका बालबालिकाहरूका लागि सञ्चालनमा रहेका विशेष विद्यालय तथा स्रोत कक्षाहरू सञ्चालित विद्यालयहरूमा आवास निर्माण तथा उचित शैक्षिक वातावरणका लागि प्रयाप्त बजेत विनियोजन गरिनुपर्ने सामाजिक विकास मन्त्रालयसामु माग राखिएको जानकारी दिइन् । 

कार्यक्रममा कर्णाली प्रदेशसभा सामाजिक विकास समिति सभापति राजु नेपाली, प्रदेशसभा सदस्य रातो कामी, पद्मा खड्का, कृष्ण शाह, सामाजिक विकास मन्त्रालयका सचिव डा. मानबहादुर विके, महासंघका संघीय अध्यक्ष मित्रलाल शर्मालगायतको सहभागिता रहेको थियो ।

जेठ २१, २०७६ मा प्रकाशित

शेरबहादुर थापा

थापा लोकान्तरकालागि कर्णाली प्रदेशका प्रतिनिधि हुन् ।

लेखकबाट थप...

प्रतिक्रिया दिनुहोस