काठमाडौँ - भारतले आफ्नो स्वतन्त्रता मनाइरहेका बेला कश्मीरको पुछ इलाकामा भारत र पाकिस्तानी सेनाबीच दोहोरो फायरिङ भएको छ ।

फायरिङमा भारतको ५ र पाकिस्तानका तर्फबाट ३ जना सैनिकको मृत्यु भएको पाकिस्तानी सेनाले दाबी गरेको छ ।

१५ अगस्त भारतीय स्वतन्त्रता दिवस हो भने पाकिस्तानले १४ अगस्तमै स्वतन्त्रता दिवस मनाउने गर्छ ।

फायरिङका सम्बन्धमा भारतीय र पाकिस्तानी सञ्चारमाध्यमका आ-आफ्नै दाबी रहेका छन् ।

बिहीवार दिउँसो जम्मु-कश्मीरको पुछ इलाकामा पाकिस्तानी सेनाले भारतलाई लक्षित गरेर गोली चलाएको भारतीय सञ्चारमाध्यमहरूले बताएका छन् । त्यसको जवाफमा भारतीय सेनाले पनि फायरिङ गरेको थियो ।

पाकिस्तानी सञ्चारमाध्यमहरूले भने ५ जना भारतीय सैनिक र ३ जना पाकिस्तानी सैनिक मारिएको बताएका छन् । पाकिस्तानी सेनाका प्रवक्ता असीफ गुफ़रले बिहीवार साँझ एक ट्वीट गर्दै भारतले कश्मीर समस्यालाई अन्तै मोड्न पाकिस्तानमाथि गोलीबारी गरिरहेको दाबी गरेका छन् ।

उनले आफ्ना तर्फबाट ३ जनाको सहादत भएको भन्दै फोटोसमेत सार्वजनिक गरेका छन् ।

In efforts to divert attention from precarious situation in IOJ&K,Indian Army increases firing along LOC.
3 Pakistani soldiers embraced shahadat. Pakistan Army responded effectively. 5 Indian soldiers killed, many injured, bunkers damaged. Intermittent exchange of fire continues. pic.twitter.com/wx1RoYdiKE

— DG ISPR (@OfficialDGISPR) August 15, 2019