काठमाडौं– माइली साइरसले महिना दिनअघि मात्रै पति लिअम हेम्सवर्थसँगको सम्बन्ध तोडेकी छिन् ।

सम्बन्धविच्छेदको कारणलाई दुवैले गुपचुप नै राख्दै एकले अर्काको सम्मानमा अभिव्यक्ति दिने भद्र सहमति भएको दुवै पक्षले मिडियालाई बताएका थिए तर लिअमबाट अलग्गिएको केही दिनमै माइली ३१ वर्षीया ब्लगर केटलिनसँग सार्वजनिक रूपमा चुम्बन गर्दै गरेको अवस्थामा भेटिइन् ।

सोही समय केटलिन पनि ब्रुडी जेन्नरसँग सम्बन्ध तोडेर माइलीसँग नजिकीएकी थिइन् । 

गत अगष्टको दोस्रो साता इटानली भ्रमणमा छँदा यी दुई युवतीले चुम्बन साटासाट गरेर समलिंगी सम्बन्ध रहेको जानकारी दिएको डेढ महिना पनि बित्न नपाउँदै यतिबेला छुट्टिएका छन् ।

'माइली र केटलिन अब रोमान्टिक रिलेसनमा छैनन्', स्रोत उदृत गर्दै भनिएको छ, 'पछिल्लो समय दुवैबीचमा अप्ठ्यारो परिस्थिती उब्जेपछि सम्बन्ध टुंग्याएर बरु असल साथीका रूपमा मात्रै रहन चाहेका हुन् ।' कान्तिपुर दैनिकमा खबर छ ।