नेपाल कम्युनिष्ट पार्टी (नेकपा) का प्रवक्ता नारायणकाजी श्रेष्ठले समाजवादको आधार तयार पार्न बेला आएको बताएका छन्।

जनयुद्ध दिवसको अवसरमा नेकपा गोरखाले सदरमुकाममा बिहीबार आयोजना गरेको पार्टी प्रशिक्षण कार्यक्रममा उनले भने, ‘ समाजवादको आधार तयार पार्न नै  दुई ठूला कम्युनिष्ट पार्टीबीच एकता भएको हो।’  

प्रवक्ता श्रेष्ठले पुँजीवादी विरुद्धको जनवादी क्रान्ति आधारभूत रुपमा सकेको उल्लेख गर्दै समाजवदले मात्र गरिब र सर्बहारा वर्गको मुक्ति गर्नसक्ने बताए।

‘सघर्ष पनि हामी कम्युनिष्टकै नेतृत्वमा ग¥यौ, हाम्रै नेतृत्वमा प्राप्त उपलब्धिलाई संविधानमा लेख्यौँ,’ उनले भने, ‘अब त्यसलाई संस्थागत गर्दै फेरि क्रान्तिको नयाँ दिशातर्फ अघि बढ्न कम्युनिष्टकै नेतृत्वमा राज्य र सत्ता जरुरी र आवश्यक भएकाले त्यसका लागि पार्टी एकता अनिवार्य थियो।’