कसैको कैदमा जिन्दगी जिउनुभन्दा नराम्रो संसारमा सायदै केही होला । चाहे मानिस हो, चाहे पशु होस्, सबैलाई स्वतन्त्रताको महत्त्व उच्च हुन्छ ।

सामाजिक सञ्जालमा यस्तै भिडियो भाइरल भइरहेको छ, जसमा १३ वर्षसम्म कैदमा रहेको सिंहलाई पहिलोपटक बाहिर छोडियो र सिंहले स्वतन्त्रताको अनुभूति गर्यो । यो भिडियो देखेर धेरै सामाजिक सञ्जाल प्रयोगकर्ताहरू भावुक बने ।

यस २७ सेकेन्डको भिडियो भारतका एक वन्यजन्तु अधिकारी शुसान्त नन्दाले ट्वीटरमा सेयर गरेका छन् । भिडियोको सेयर गर्दै उनले लेखेका छन्, ‘सर्कसबाट छुटेको १३ वर्षपछि पहिलोपटक माटो अनुभूति गर्दै सिंह ।’

भिडियोमा देख्न सकिन्छ कि सिंहले आफ्नो पन्जाले माटोमा केही खोजिरहेको छ । सिंहलाई आफू स्वतन्त्र भएको अनुभूति भएको छ र उसले अब स्वतन्त्र हुनुको फाइदा उठाइरहेको छ ।

आफ्नो जिन्दगीको अधिकांश समय पिंजडामा बिताएको सिंह स्वतन्त्रतापश्चात भिडियोमा भाइरल भएपछि सामाजिक सञ्जालमा धेरै प्रतिक्रिया आउन शुरू भएको छ । एक प्रयोगकर्ताले लेखेका छन्, ‘विकास खराब किन छ भन्ने कुराको उदाहरण मानिस हो ।’

अर्का प्रयोगकर्ताले लेखेका छन्, ‘सिंहले अनुभूति गरेको आनन्दलाई हेर्नुहोस् ।’

The feeling of the lion on touching the soil for the 1st time in 13 years after being rescued from a circus👍🏻 pic.twitter.com/02LM7s1K0z

— Susanta Nanda IFS (@susantananda3) February 21, 2020