नेपाली बजारमा मंगलवार अमेरिकी डलर तथा सुनको मूल्यमा वृद्धि भएको छ । यसदिन अमेरिकी डलरको मूल्य अहिलेसम्मकै महँगो भएको छ । 

मंगलबारका लागि नेपाल राष्ट्र बैंकले डलरको आधार मूल्य १ सष् १८ रुपैयाँ ८४ पैसा तोकेको छ । सोमवार  १ सय १८ रुपैयाँ ३२ पैसा तोकेको थियो ।  

यसैगरी नेपाली बजारमा सुनको मूल्यमा पनि वृद्धि भएको छ । नेपाल सुनचाँदी व्यवसायी महासंघका अनुसार मंगलवार छापावाल सुन ८२ हजार ७ सय रुपैयाँ प्रतितोलामा कारोबार भइरहेको छ । 

अघिल्लो दिन छापावाल सुन प्रतितोला ८२ हजार ५ सय रुपैयाँमा कारोबार भएको थियो । 

यस्तै मंगलवार तेजावी सुन प्रतितोला ८२ हजार ४ सय रुपैयाँमा कारोबार भइरहेको छ ।

महासंघका अनुसार चाँदी प्रतितोला ८ सय ८० रुपैयाँमा कारोबार भइरहेको छ । अघिल्लो दिन चाँदी ८ सय ९० रुपैयाँमा कारोबार भएको थियो ।