कात्तिक २२, २०८०
पाल्पामा १९ वर्षीया किशोरीलाई बलात्कार गरेको आरोपमा एक जना पक्राउ परेका छन् । पक्राउ पर्नेमा गुल्मीको इस्मा गाउँपालिका ६ का २६ वर्षीय जिज्ञाश दाहाल रहेका छन् । उनलाई मंगलवार साँझ पक्राउ गरिएको प्रहरीले जनाएको...
पोखराकै ‘ड्रीम प्रोजेक्ट’ हो केबलकार । ‘अन्नपूर्ण’ केबलकार निर्माण लकडाउनबीच पनि निरन्तर चल्यो ।
फेवाताल किनार सेदीबगरदेखि सराङ्कोट जोड्ने २ किलोमिटर २७५ मिटर लम्बाइको केबलकार निर्माण परियोजनाको ९५ प्रतिशत काम सम्पन्न भइसकेको छ ।
अन्नपूर्ण केबलकार प्रालिका अध्यक्ष कालु गुरुङ भन्छन्, ‘कोरोनाबाट बच्न लकडाउनजस्तो विषम परिस्थितिमा पनि काम निरन्तर जारी राख्यौं । ९५ प्रतिशत निर्माण सम्पन्न भइसकेको छ । लकडाउन खुलेको १ महिनाभित्रै केबलकार सञ्चालनमा आउनेछ ।’
पोखरा नेपालकै प्रमुख पर्यटकीय शहर हो । कोरोना भाइरस (कोभिड–१९) संक्रमण प्रभाव कारण पर्यटन व्यवसाय नराम्ररी थलिन पुग्यो । पर्यटनविद्का अनुसार पहिलेकै अवस्थामा पर्यटन फर्किन २ वर्षसम्म लाग्न सक्छ ।
यद्यपि केबलकार निर्माणले भने पोखरामा नयाँ पर्यटकीय गन्तव्य थप्ने र आन्तरिक एवं बाह्य पर्यटनलाई धेरथोर प्रवद्र्धन गर्ने विश्वास पोखरेलीको छ ।
परियोजनामा हाल ५० जना मजदुरले निरन्तर काम गरिरहेका छन् । लकडाउनको पहिलो २ हप्तासम्म काम रोकिएकोमा पछि निरन्तरता दिइएको हो । अध्यक्ष गुरुङका अनुसार केबलकारमा १८ वटा गोण्डोला (डिब्बा) सहित तार जडान र फिनिसिङ केही काम
मात्र बाँकी रहेको छ भने अन्य भौतिक संरचना निर्माण सकिएको छ । १७ वटा गोण्डोला यात्रु र एउटामा सामान लैजान प्रयोग गरिनेछ । पछि पुनः ४ वटा डिब्बा समेत थप गरिनेछन् । केबलकारमा ३६ वटासम्म गोण्डोला राख्न सकिने क्षमता छ ।
सञ्चालनपछि प्रतिघण्टा १ हजार ५०० जनालाई सेवा दिन सकिने बताइएको छ । कम्पनी नाफामा जान भने प्रतिघण्टा ५०० जना यात्रु ओसार्नुपर्छ । फेवातालबाट सराङ्कोट पुग्न गाडीमा ४५ मिनेट लाग्छ तर केबलकार सञ्चालनपछि ७–९ मिनेटमै पुग्न सकिने छ ।
कम्पनीका अध्यक्ष गुरुङले भने, ‘देशमा केबलकारमा काम गर्ने दक्ष जनशक्ति अभाव भएकाले जापानबाट २ जना दक्ष प्राविधिक आएको १ महिनाभित्रै केबलकार सञ्चालन गर्नेछौं ।’ उनका अनुसार पहिलो १ महिना परीक्षण हुने र पछि व्यावसायिक रुपमा सञ्चालन हुनेछ ।
शिलान्यासपछि डेढ वर्षमै परियोजना निर्माण पूरा हुने लक्ष्य थियो तर विविध परिस्थिति र प्राविधिक कारणबीच निर्माण अवधि बढ्यो । ३ वर्ष बढी समय बितेपछि १ अर्बमै सकिने परियोजना निर्माण लागत समेत बढ्न गएको अध्यक्ष गुरुङले बताए । उनका अनुसार कहिले जग्गा विवाद, कहिले दक्ष जनशक्ति अभावका कारण ढिलाइ हुन गएको हो । अब लगानी बढेर १ अर्ब ५० करोड रुपैयाँ लगानी लाग्ने अनुमान छ ।
केबलकारमा तल्लो तथा माथिल्लो गरी २ वटा स्टेसन निर्माण गरिएको छ । रेस्टुरेन्ट, पार्किङ, कफीशप, गार्डेन सहितको संरचना बनाइएको छ । निर्माणको लागि चितवन कोई समूहले जिम्मा पाएको छ । सराङ्कोटमा रहने माथिल्लो स्टेसन भवनको उपल्लो तलामा सुविधासम्पन्न रेस्टुरेन्ट, भ्यू टावरसहित संरचना निर्माण गरिएको सञ्चालक तीर्थराज त्रिपाठीले बताए । जसको सजावट तथा फिनिसिङ जारी छ । ३० रोपनी क्षेत्रफलमा स्टेसन सहितको संरचना निर्माण भएकोमा २५ रोपनी क्षेत्रफल भाग तारमुनि परेको छ ।
परियोजनामा नेपाली व्यवसायीले ७५ प्रतिशत, जापानी नागरिक टाकासी मियाहाराले १५ प्रतिशत र स्थानीयवासीले १० प्रतिशत लगानी गरेको प्रालिले जनायो । परियोजनालाई राष्ट्रिय वाणिज्य बैंक लगायत केही बैंकले ऋण सहयोग उपलब्ध गराएका छन् ।
केबलकारबाट यात्रा हिमाल, ताल, जंगल र पोखराको मनोरम दृश्य आँखै अगाडि ठोक्किने हुँदा यसले पर्यटन प्रवद्र्धनमा सघाउ पुग्नेछ । पोखराको चुली सराङ्कोट विशेषगरी सूर्योदय र सूर्यास्त अवलोकनका लागि चर्चित छ भने दैनिक ३ हजार पर्यटक पुग्छन् ।
हालै मात्र गण्डकी प्रदेश सांसद रामजी बराल (जीवन), पोखरा–१८ का वडाध्यक्ष रणबहादुर थापा, सञ्चारकर्मी लगायत टोलीले परियोजनाको अवलोकन गरी निर्माण प्रगतिबारे जानकारी लिएका थिए ।
नेपालमा सञ्चालित मनकामना र चन्द्रागिरी केबलकार जस्तै भएपनि यसमा नयाँ प्रविधि प्रयोग गरिएको दाबी प्रालिको छ । नेपालमै सबैभन्दा पहिले मनकामना केबलकार सन् १९९८ देखि सञ्चालनमा आएको हो । कुरिनटार–मनकामना जोड्ने केबलकारको लम्बाइ २ किलोमिटर ७७२ मिटर छ । सन् २०१६ देखि सञ्चालित चन्द्रागिरी केबलकारको लम्बाई २ किलोमिटर ४०० मिटर छ । यसले थानकोट–चन्द्रागिरी जोड्छ । गण्डकी प्रदेशमै तनहुँको पर्यटकीय एवं ऐतिहासिक क्षेत्र बन्दीपुर पुग्न पनि केबलकार निर्माण भइरहेको छ ।
पाल्पामा १९ वर्षीया किशोरीलाई बलात्कार गरेको आरोपमा एक जना पक्राउ परेका छन् । पक्राउ पर्नेमा गुल्मीको इस्मा गाउँपालिका ६ का २६ वर्षीय जिज्ञाश दाहाल रहेका छन् । उनलाई मंगलवार साँझ पक्राउ गरिएको प्रहरीले जनाएको...
तत्कालीन प्रहरी नायब महानिरीक्षक (डीआईजी) अशोक सिंहले २०७९ फागुन १० गते जिम्मेवारीबाट राजीनामा दिए । प्रहरी महानिरीक्षक (आईजीपी)को लाइनमा रहेका सिंहको जन्ममितिमा कैफियत देखिएपछि राजीनामा दिनुपरेको थियो ।&...
काठमाडौँ उपत्यका अपराध अनुसन्धान कार्यालयले ‘कल गर्ल’ चाहिएमा उपलब्ध गराइदिने भनी ठगी गर्ने दुई जनालाई पक्राउ गरी आज सार्वजनिक गरेको छ । सामाजिक सञ्जालबाट ‘कल गर्ल’ उपल...
उदयपुरमा २१ वर्षीया युवतीलाई बलात्कार गरेको आरोपमा एक जना पक्राउ परेका छन् । पक्राउ पर्नेमा लिम्चुङबुङ गाउँपालिका १ बाँस्बोटेका २५ वर्षीय टवीन्द्र राई रहेका छन् । उनलाई आइतवार दिउँसो पक्राउ गरिएको प्रहर...
काठमाडौँ, २२ चैत –निर्वाचन आयोगले न्यायपरिषद्को परामर्शमा ७५ जिल्लाका जिल्ला न्यायाधीशलाई मुख्य निर्वाचन अधिकृत नियुक्त गरेको छ । आगामी वैशाख ३१ गते हुने स्थानीय तह निर्वाचनका लागि आयोगले उनीहरुलाई मुख्...
नेपाली सेनाका कर्णेल कामेश्वर यादवको घरमा चोरी भएको छ । ललितपुर महानरपालिका–१८ भैँसेपाटीमा रहेको उनको घरबाट १९ लाख ४२ हजार ६ सय रुपैयाँसहित विभिन्न सामानहरू चोरी भएको जिल्ला प्रहरी परिसरका एसएस...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...
निरन्तर १८ वर्ष लामो कन्जरभेटिभ पार्टीको सरकारलाई विस्थापित गर्दै लेबर पार्टीका नेता टोनी ब्लेयर सन् १९९७ को मे २ मा बेलायतको प्रधानमन्त्री बन्न सफल भएका थिए । लेबर पार्टीका नेता जोन स्मिथको निधनपश्चात पार्टीको ...
जनता समाजवादी पार्टीमा आएको विभाजन पहिलो पनि होइन र अन्तिम पनि होइन । राजनीतिक दलमा आएको विभाजनको लामो शृङ्खला हेर्ने हो भने पनि यो न पहिलो हो, न अन्तिम । दुःखद् कुरा के भने राजनीतिक दल विभाजनको नयाँ कोर्...