संसारभरिका वैज्ञानिकहरू कोरोनाभाइरस महाव्याधिका विषयमा अधिकतम जानकारी जुटाउने काम गरिरहेका छन् । कोरोना शरीरमा कसरी फैलिन्छ भन्ने विषयमा अध्ययन भइरहेको हो । 

शरीरमा कुन जिनका कारण भाइरस फैलिन्छ भन्ने कुरा पत्ता लगाएको दाबी वैज्ञानिकहरूले गरेका छन् । 

वैज्ञानिकहरूले जिन एडिटिङ टूलको सहायताले यो काम गरिरहेका छन् । उनीहरूले शरीरमा हुने केही जिन पत्ता लगाएका छन् जसले कोरोनालाई शरीरमा फैलिन र जरो गाडेर बस्न सहायता गर्छन् । 

अध्ययनका क्रममा वैज्ञानिकहरूले केही जिनलाई अफ्रिकी बाँदरको कोशिकामा राखे । त्यसपपछि ती कोशिकालाई भाइरस संक्रमित गराइयो । अनि कुन चाहिँ जिनले भाइरस फैलाउन सहायता गर्छ र कुन चाहिँले त्यसविरुद्ध लड्छ भन्ने कुराको अध्ययन गरियो । 

वैज्ञानिकहरूले यस अध्ययनबाट कोरोनाले शरीरमा कसरी असर पर्छ भन्ने विषयमा बुझ्न हिायता मिल्ने बताएका छन् । 

यसबाट कोरोनाको खोप बनाउन सहज हुने वैज्ञानिकहरूको कथन छ । खोपले सीधै जिन वा सेललाई लक्षित गरेर भाइरसलाई रोक्नेछ । 

भाइरसले आफूलाई शरीरभित्र बढ्नका लागि उपयोग गर्ने जिनलाई हेरिँदैछ । त्यसमा प्रोटीनको भूमिका महत्त्वपूर्ण हुने देखिएको छ । 

अध्ययनमा एसीई२ रिसेप्टर र क्याथेप्सिन एलले प्रोटीन संक्रमण फैलाउन सहायता गर्छन् । अनि हिस्टोन प्रोटीनले यसलाइृ बढ्नबाट रोक्छ । 

यो अध्ययन येल स्कूल अफ मेडिसिन, बोर्ड इन्स्टिच्युट अनि एमआईटी र हार्वर्ड विश्वविद्यालयले मिलेर गरेका हुन् ।