फागुन ४, २०८०
बाँसबारी छालाजुत्ता कारखानाको जग्गा हडपेको आरोप लागेका नेपाली कांग्रेसका सांसद तथा डलर अर्बपति विनोद चौधरी केही दिनअघि भारत हानिए । ५ दिनअगाडि उनले भारतका केन्द्रीय जलशक्ति मन्त्री गजेन्द्र सिंह शेखावतसँग ...
स्वीकृत वार्षिक कार्यक्रमको योजनामा सार्वजनिक खरिद ऐन, नियमावली तथा आर्थिक कार्यविधि अनुसार काम सम्पन्न भएपछि मात्र भुक्तानी हुने गर्छ तर धनुषामा योजनाको निर्माण कार्य सम्पन्न नहुँदै पनि भुक्तानीका लागि कार्यालयले आदेश गरेको खुलासा भएको छ ।
धनुषाको नक्टाझिजस्थित कृषि यान्त्रिकीकरण प्रबद्र्धन केन्द्रले एउटा योजनामा कार्य सम्पन्न नहुँदै भुक्तानीका लागि कोष तथा लेखा नियन्त्रक कार्यालय धनुषामा भुक्तानी आदेश पठाउँदा नियन्त्रकले भुक्तानी रोक्का गरेको छ ।
कार्यसम्पन्न नहुँदै कागजमा कार्यसम्पन्न भएको मूल्यांकनसहित भुक्तानी आदेश गर्ने कार्यालयको भुक्तानी रोक्का गरेर कोष तथा लेखा नियन्त्रक कार्यालयले कारबाहीको प्रक्रिया अगाडि बढाएको छ । प्रमुख कोष नियन्त्रक डा. वीरेन्द्रकुमार मिश्रले स्थलगत निरीक्षण गरेर निर्माणाधीन कार्यलाई यथास्थितिमा राख्न निर्देशन दिएका छन् ।
कृषि तथा पशुपन्छी विकास मन्त्रालय मातहत रहेको कृषि यान्त्रिकीकरण प्रबद्र्धन केन्द्रले डीप ट्यूबबेल जडान गरेबापत १६ लाख १ हजार २८ रुपैयाँ भुक्तानी गरिदिन असार ३० गते फाइलसहित भुक्तानी आदेश पठाएको थियो । राष्ट्रिय धानबाली अनुसन्धान परिषद् हर्दिनाथ बनीनियाको परिसरमा डीप ट्यूबबेल जडानको काम जेठ १५ गतेबाट शुरू भई असार २९ गते सम्पन्न भएको भनेर प्राविधिक मूल्यांकनसहित कार्यालय प्रमुख रतनकुमार पुर्बेले भुक्तानीका लागि असार ३० गते फाइल पठाएका थिए ।
‘काम सम्पन्न नै नभएको भनेर फोनमा जानकारी आए पछि अन्य कर्मचारीबाट समेत बुझ्दा काम नै नभएको भन्ने कुरा यकिन भए पछि भुक्तानी रोक्का गरें,’ मिश्रले लोकान्तरसँग भने, ‘त्यसपछि साउन २ गते म आफैं पनि स्थलगत निरीक्षण गर्न जाँदा ट्यूबबेल निर्माणको काम निर्माणाधीन अवस्थामा नै पाएँ ।’ कार्यस्थलमा कार्यरत कामदारबाट समेत साउन २ गतेसम्म काम भइरहेको मुचुल्का उठाएर कार्यालयका निमित्त कार्यालय प्रमुख पुर्बेलाई यथास्थितिमा काम राख्न भनेको उनले बताए ।
असार २५ गतेसम्म निर्माण काम सम्पन्न भइसक्नुपर्नेमा २५ गतेदेखि निर्माणको कामको सुरसार नै गरिएको थिएन । साउन २ गते लोकान्तरकर्मी पनि कार्यस्थलमा पुग्दा ट्रकमा मशिन राखेर काम भइरहेको थियो ।
सिन्धुलीको दुधौली नगरपालिका–६ घर भएका मजदुर समीर कार्कीले असार २७ गतेदेखि जडानको काम शुरू गरिएको बताए । असार ३० गते होल पार्ने, १२० मिटर गहिरो खाल्डो खनेर वाटर लकिङ गरेर पानी परीक्षण गरिएको मजदुर कार्कीले बताए । असार ३० गते नै पानी आएको समेत उनले बताए ।
‘असार ३१ गते साँझसम्म पाइप वेल्डिङ गरेर तयार पारेका थियौं तर पानीमा हिलो आएका कारण काम रोकेका थियौं,’ कार्कीले भने, ‘त्यसपछि १ गते बिहान ३ बजे काम शुरू गरेका थियौं ।’ साउन २ गते बिहान ६ बजेदेखि पाइप निकाल्ने काम भइरहेका बेला बिहान ८ बजेतिर कोष नियन्त्रक मिश्र सहितको टोली कार्यस्थलमा पुगेको थियो ।
साउन २ गतेसम्म डीप ट्यूबबेल निर्माणको काम भइरहेको अवस्थामा असार ३० गते नै कार्यालयले कार्यसम्पन्न भएको प्रतिवेदन तयार पारेर भुक्तानी आदेश कोष तथा लेखा नियन्त्रक कार्यालयमा पुगेको थियो । स्वीकार कन्सट्रक्सन एण्ड डीप ट्यूबबेल प्रालिका सञ्चालकको खातामा १६ लाख १ हजार ८२८ रुपैयाँ भुक्तानीका लागि भुक्तानी आदेश प्राप्त भएको कोष नियन्त्रक मिश्रले बताए ।
‘आर्थिक अनुशासन कायम गर्न भुक्तानी रोकर कामलाई यथास्थितिमा राख्न भनेको छु,’ मिश्रले भने । अब प्रचलित कानून बमोजिम कारबाहीको प्रक्रिया अगाडि बढ़ाइने उनले बताए ।
(यो रिपोर्ट फ्रीडम फोरमसँगको सहकार्यमा तयार पारिएको हो ।)
बाँसबारी छालाजुत्ता कारखानाको जग्गा हडपेको आरोप लागेका नेपाली कांग्रेसका सांसद तथा डलर अर्बपति विनोद चौधरी केही दिनअघि भारत हानिए । ५ दिनअगाडि उनले भारतका केन्द्रीय जलशक्ति मन्त्री गजेन्द्र सिंह शेखावतसँग ...
यातायात व्यवस्था विभागका उच्च अधिकारी, विभिन्न यातायात कार्यालयका प्रमुख तथा कर्मचारी र बिचौलियाको मिलेमतोमा झन्डै ३० हजार अवैध लाइसेन्स जारी भएको पाइएको छ । विगत ६ महिनायता लिखित र ट्रायल परीक्षा नै...
पोखरा क्षेत्रीय अन्तर्राष्ट्रिय विमानस्थल निर्माण अनियमितता प्रकरणमा समेत अर्थमन्त्री वर्षमान पुनको भूमिका शंकास्पद देखिएको छ । २०६८ सालमा अर्थमन्त्री रहेका बेला पुनले प्रचलित कानून, विधि र मापदण्डविपरीत विमानस्थल ...
संसदीय लोकतन्त्रलाई आदर्श मान्ने नेपाली कांग्रेसका सभापति एवं संसदीय दलका नेता शेरबहादुर देउवादेखि नयाँ दलको रूपमा उदाएको रास्वपाका सांसद स्वर्णिम वाग्ले तथा शिशिर खनालसम्मले महिनामा एकदिन पनि हाजिरी नग...
प्रत्येक भाषणमा पारदर्शिता र सुशासनको गफ लगाउने प्रधानमन्त्री पुष्पकमल दाहाल ‘प्रचण्ड’ले आफ्नो सचिवालयलाई निकै जम्बो बनाएको पाइएको छ । परिवारका सदस्यदेखि आफूनिकटका व्यक्ति समेत झन्डै ३ दर्जन बढीलाई निय...
नेपाल पर्यटन तथा होटल व्यवस्थापन प्रतिष्ठान (नाथम)का प्रिन्सिपल रामकैलाश बिछाको स्नातकोत्तरको शैक्षिक प्रमाणपत्र नक्कली रहेको आरोप त्यहाँ कार्यरत शिक्षकहरूले लगाएका छन् । संस्कृति, पर्यटन तथा नागरिक उड्डयन मन्त्...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...
निरन्तर १८ वर्ष लामो कन्जरभेटिभ पार्टीको सरकारलाई विस्थापित गर्दै लेबर पार्टीका नेता टोनी ब्लेयर सन् १९९७ को मे २ मा बेलायतको प्रधानमन्त्री बन्न सफल भएका थिए । लेबर पार्टीका नेता जोन स्मिथको निधनपश्चात पार्टीको ...
जनता समाजवादी पार्टीमा आएको विभाजन पहिलो पनि होइन र अन्तिम पनि होइन । राजनीतिक दलमा आएको विभाजनको लामो शृङ्खला हेर्ने हो भने पनि यो न पहिलो हो, न अन्तिम । दुःखद् कुरा के भने राजनीतिक दल विभाजनको नयाँ कोर्...