अमेरिकालाई पछि पार्दै चीन बन्यो ईयूको सबभन्दा ठूलो साझेदार

अमेरिकालाई पछि पार्दै चीन युरोपेली संघको सबभन्दा ठूलो व्यापारिक साझेदार बनेको छ । 

सन् २०२० को तेस्रो त्रैमासिकमा चीनले अमेरिकालाई पछि पारेको हो । कोरोना ममहामारीका कारण अमेरिकाको व्यापारिक गतिविधि घट्यो भने चिनियाँ गतिविधि बढ्यो । 


Advertisement

यस वर्षको पहिलो नौ महिनामा युरोपेली संघ र चीनबीचको व्यापार ४२५.५ अर्ब युरो रह्यो भने ईयू र अमेरिकाबीच ४१२.५ अर्ब युरोको कारोबार भएको युरोस्टाटको आँकडाले देखाएको छ । 

पोहोर साल यही समयमा चीनसँग ईयूको व्यापार ४१३.४ अर्ब युरो थियो भने अमेरिकासँग ४६१ अर्ब युरो थियो । 


Advertisement

चीनबाट ४.५ प्रतिशत आयात बढेको हो भने निर्यातमा कुनै परिवर्तन आएन ।

तर अमेरिकासँग आयात र निर्यातमा निकै कमी आएको युरोस्टाटले जानकारी दियो । 
 

ईयू सन् २००४ देखि चीनको शीर्ष व्यापारिक साझेदार रहिआएको छ । तर यसपालि उसले सबैलाई उछिन्यो । 

कोरोनाका कारण पहिलो त्रैमासिकमा चिनियाँ अर्थतन्त्रमा झट्का लागेको भए पनि अहिले त्यो पूरै उकासिएको छ । तेस्रो त्रैमासिकमा आइपुग्दा त उसको अर्थतन्त्र अरूको भन्दा निकै अगाडि छ ।

एजेन्सी
एजेन्सी

लेखकबाट थप...

कमेन्ट गर्नुहोस्