किम कार्दसियन नौलो नाम होइन । चर्चित यी मोडलले गायक केन वेस्टले डिभोर्स गर्न लागेको समाचार बाहिरिएको छ ।
पेस सिक्समा प्रकाशित समाचारअनुसार यो जोडी केही महिनादेखि अलग बस्दै आएको थियो । ‘डिभोर्स अवश्यम्भावी छ । उनीहरुले यसलाई कम चर्चामा राख्न चाहेका छन्, तर यो तय भइसकेको छ,’ एक स्रोतलाई उदृत गर्दै बेलायती पत्रिका द सनले लेखेको छ,‘किमले लाउरा वासेरलाई हायर गरिसकेकी छिन् र यो जोडी अहिले कसरी डिभोर्सको प्रक्रियालाई टुंगोमा पुु¥याउने भनेर छलफलमा छ ।’

यसअघि सन् २०१३ मा किमले एनबिए स्टार क्रिस हम्फरिजसँग डिभोर्स गर्दा पनि अधिवक्ता लउराले नै कानूनी प्रक्रिया हेरेका थिए । उनले ठूला सेलिब्रेटीहरुको डिभोर्सको मामिला टुुंग्याएर चर्चा कमाएका छन् ।
उनीहरुबीच २०२० पछि वैवाहिक जीवनमा समस्या देखिन थालेको समाचारमा जनाइएको छ ।
किम र केनबीच मेइ २०१४ मा भव्य विवाह भएको थियो ।