प्रदेश १ को प्रदेश सभामा सुरक्षा कडा : नेकपाको एक पक्षले प्रवेश नदिने, अर्को पक्षले बोल्न नदिने !

प्रदेश नम्बर १ स्थित प्रदेश सभाको हिउँदे अधिवेशन आजदेखि शुरू हुँदैछ ।

नेकपा विभाजनपछि शुरू हुन लागेको प्रदेश सभाको सातौं अधिवेशनलाई निकै महत्त्वका साथ हेरिएको छ ।


Advertisement

नेकपाकै प्रचण्ड–माधव नेपाल पक्षले मुख्यमन्त्री शेरधन राईविरुद्ध प्रदेश सभामा अविश्वासको प्रस्ताव दर्ता गराइसकेको छ ।

ओली पक्षले भने प्रचण्ड नेपाल पक्षका १६ जना सांसदलाई ३ महिनाका लागि निलम्बन गरेको छ ।


Advertisement

आजको बैठकका लागि दुवै पक्षले आ-आफ्नो रणनीति बनाएका छन् ।

निलम्बन गरिएका सांसदहरूलाई प्रदेश सभा बैठकमा सहभागी हुन नदिने ओली पक्षको तयारी छ भने प्रचण्ड-नेपाल पक्षले मुख्यमन्त्री राईलाई दलको नेताको हैसियतमा प्रदेश सभामा सम्बोधन गर्न नदिने रणनीति अख्तियार गरेको छ ।

दुई पक्षको आ-आफ्नै रणनीतिका बीच मुठभेड हुनसक्ने सम्भावनालाई मध्यनजर गर्दै प्रदेश सभामा सुरक्षा व्यवस्था कडा पारिएको छ ।

मर्यादापालकको संख्या थपिएको छ भने कुर्सीहरूलाई निकाल्न नमिल्ने गरी वेल्डिङ गरिएको छ ।

लोकान्तर संवाददाता
लोकान्तर संवाददाता

लेखकबाट थप...

कमेन्ट गर्नुहोस्