पूर्वरानी कोमल शाहमा कोरोना संक्रमणपछि अक्सिजनको मात्रा कम देखिएपछि आईसीयूमा सारिएको नर्भिक इन्टरनेसनल हस्पिटलले जनाएको छ । 

उनमा श्वासप्रश्वासको समस्या देखिएको र अक्सिजनको समेत कमी भएकाले आईसीयूमा सारिएको हो ।

अहिले उनलाई हाइ फ्लो अक्सिजनको सपोर्टमा राखिएको छ । बाँकी स्वास्थ्य समस्या देखिएको छैन । 

अस्पतालमै उपचाररत पूर्वराजा ज्ञानेन्द्र शाहको अवस्था भने सामान्य र स्थिर छ । उनी पनि हाल अक्सिजनकै सामान्य सपोर्टमा छन् ।

पूर्व अधिराजकुमारी प्रेरणाको अवस्था भने निकै सामान्य छ । उनलाई अक्सिजनको सपोर्ट दिनु नपरेको अस्पतालले जनाएको छ ।