बलिउड अभिनेत्री प्रियंका चोपडाले भारतमा फैलिएको कोरोना भाइरस संक्रमणको महामारीविरुद्ध लड्न नयाँ अभियान शुरू गरेकी छन् ।

सामाजिक सञ्जाल इन्स्टाग्राममा भिडियो सन्देश राख्दै अभिनेत्री चोपडाले कोरोना विरुद्धको कोषमा सहयोग गर्न अपिल गरेकी छन् ।

भिडियोसँगै राखिएको अपिलमा उनले लेखेकी छन्, ‘यहाँ लगभग ६३ मिलियन व्यक्तिले मलाई फलो गरेका छन्, यदि तपाईं १ लाख व्यक्तिले १० डलर पनि सहयोग गर्नुभयो भने कूल १ मिलियन डलर सहयोग हुनेछ, यो धेरै ठूलो धनराशी हो ।’

अभिनेत्री चोपडाले ‘गिभइन्डिया’सँग मिलेर सहयोग संकलन अभियान चलाएकी छन् । उनले भनेकी छन्, ‘म लण्डनमा छु र भारतमा रहेका परिवार र साथीहरूबाट सुनिरहेकी छु कि त्यहाँ अस्पतालको क्षमता सकिएको छ, आईसीयू छैनन्, एम्बुलेन्स धेरै व्यस्त छन्, अक्सिजन सप्लाइ कम छ । मसानघाटमा शवको चाङ छ, किनकि मर्ने व्यक्तिको संख्या धेरै बढी छ । भारत मेरो घर हो र यतिबेला घाइते छ ।’

 

 

 

 

View this post on Instagram

 

 

 

 

 

 

 

 

 

 

 

A post shared by Priyanka Chopra Jonas (@priyankachopra)