कोरोनाकालमा प्रहरी तथा सुरक्षाकर्मी पनि अग्रपंक्तिमा रही खटिएका छन् र मानिसहरूको सेवा गरिरहेका छन् । उनीहरू कोरोना प्रोटोकल पनि पालन गराइरहेका छन् । 

तर प्रहरीमाथि दुर्व्यवहारका घटना पनि आइरहेका छन् । भारतको राजधानी दिल्लीस्थित वसन्त विहारमा एक प्रहरी हवलदारलाई गाडीले ठोकेर ४० मिटरसम्म घिसारेको घटना सार्वजनिक भएको छ । अस्पतालमा ती प्रहरीको मृत्यु भयो । 

शनिवार बिहान ४ बजे हवलदार मुंशीलाल ड्युटीमा थिए । सेतो रंगको एक गाडी निकै द्रुत गतिमा हान्निँदै आयो र उनलाई ठोक्यो । यस ठक्करका कारण प्रहरीको टेन्ट पनि भत्कियो र एउटा मोटरसाइकल पनि चकनाचुर भयो । 

कारले हवलदारलाई ४० मिटरसम्म घिसार्‍यो । उनी नराम्ररी घाइते भए र उनलाई एम्समा भर्ना गरियो । तर धेरै गहिरो चोट लागेकाले उनलाई चिकित्सकहरूले बचाउन सकेनन् । 

प्रहरीले गाडीचालक समित यादवलाई पक्राउ गरेको छ । सोधपुछका क्रममा समितले बताएअनुसार, उनी गुडगांवको म्याक्स अस्पतालबाट फर्किरहेका थिए । त्यहाँ उनकी पत्नीको कोभिड उपचार भइरहेको छ । फर्किंदाखेरी उनी गाडीमै निदाए अनि त्यस्तो अवस्थामा पनि गाडी चलाएर दुर्घटना गराए । 

समितलाई विभिन्न धाराअन्तर्गत आरोप लगाइएको छ । उनलाई हिरासतमा पीपीई किट लगाएर बेग्लै राखिएको छ र कोरोना टेस्ट पनि गराइएको छ ।