भारत, बेलायत र क्यानडामा विनाश मच्चाउने कोरोनाको भेरिएन्ट बी.१.१.७ को पहिलो मोलिक्युलर तस्वीर सार्वजनिक भएको छ । 

कोरोनाले मानव शरीरका कोशिकामा आफ्नो काँडादार प्रोटीनको पत्र टाँस्छ । 

यही स्ट्रेनका कारण संसारका कतिपय देशमा कोरोनाभाइरसको दोस्रो लहर चलेको हो । 

क्यानडाका अनुसन्धाताहरूले यस भेरिएन्टको तस्वीर सार्वजनिक गरेका हुन् । 

विश्व स्वास्थ्य संगठनले गत डिसेम्बर महिनामा कोरोनाभाइरसको बी.१.१.७ भेरिएन्टको बारेमा सार्वजनिक घोषणा गरेको थियो । यस भाइरसले अनेकौंपटक रूप परिवर्तन गरेको पनि संगठनले बताएको थियो । 

युनिभर्सिटी अफ ब्रिटिश कोलम्बियाका अनुसन्धाताहरूले मोलिक्युलर तस्वीर जारी गरेपछि यो किन यति संक्रामक छ भन्ने कुरा पत्ता लागेको हो । 

कोरोनाभाइरस एउटा पिनको माथिल्लो गोलो भागभन्दा एक लाख गुणा सानो हुन्छ । यो सामान्य माइक्रोस्कोपले देख्न सकिन्न । 

कोरोनाको स्ट्रेनलाई हेर्नका लागि वैज्ञानिकहरूले क्रायो इलेक्ट्रोन माइक्रोस्कोप उपयोग गर्ने गरेका छन् । माइक्रोस्कोपको आकार लगभग १२ फीटको हुन्छ । 

कोरोनाका विभिन्न भेरिएन्टको मोलिक्युलर तस्वीर निकालेर अध्ययन गर्न जरूरी छ । यसबाट कोरोनाको कुन भागमा चोट पारेर त्यसलाई अन्त्य पार्न सकिन्छ भनी यस तस्वीरले सहायता गर्छ ।