प्रतिनिधि सभा विघटनविरुद्ध नेपाली कांग्रेस लगायत विपक्षी दलहरू सर्वोच्च अदालत जाँदैछन् ।

प्रतिनिधि सभा विघटन गैर संवैधानिक भएको भन्दै पुनर्बहालीको मागसहित विपक्षी गठबन्धनले सर्वोच्च अदालत जाने तयारी गरेको हो ।

नेपाली कांग्रेस, नेकपा (माओवादी केन्द्र), जसपाको उपेन्द्र यादव पक्ष र एमालेको माधव नेपाल पक्षले विघटनविरुद्ध कानूनी र राजनीतिक लडाईं लड्ने निर्णय शनिवार गरेका थिए । 

विपक्षी दलहरू कांग्रेस सभापति शेरबहादुर देउवालाई प्रधानमन्त्री बनाउन हस्ताक्षर गरेका सांसदहरूसहित सर्वोच्च जान लागेका हुन् ।

सर्वोच्च अदालत परिसरमा कडा सुरक्षा व्यवस्था गरिएको छ । 

यसअघि संविधानको धारा ७६ को उपधारा ३ अनुसारको प्रधानमन्त्रीले विश्वासको मत नलिई नयाँ प्रक्रियामा गएको भन्दै शुक्रवार १२ जनाले रिट दर्ताको लागि छुट्टै निवेदन दिएका थिए ।

 शुक्रवार ती रिट दर्ता हुन सकेका थिएनन् ।