विपक्षी गठबन्धनका नेताहरु आइतबार छलफलमा जुटेका छन् । काँग्रेस सभापति शेरबहादुर देउवाको निवास बूढानीलकण्ठमा काँग्रेस, माओवादी केन्द्रसहित एमालेको माधव कुमार नेपाल र जसपाको उपेन्द्र यादव पक्षबीच संयुक्त छलफल भएको हो ।

पछिल्लो राजनीतिक अवस्थाका सन्दर्भमा समीक्षा र थप रणनीति बनाउन बसेको भनिएको बैठकमा काँग्रेसको तर्फबाट देउवासहित रामचन्द्र पौडेल  र पूर्णबहादुर खड्का  सहभागी थिए।
यस्तै माओवादी केन्द्रको तर्फबाट प्रचण्ड,  नारायणकाजी श्रेष्ठ र देव गुरुङ   सहभागी छन् भने जसपा बाट  उपेन्द्र यादव, बाबुराम भट्टराई र  राजेन्द्र श्रेष्ठ  सहभागी छन् ।

यस्तै नेपाल समूहबाट स्वयम् माधव नेपाल र भीम रावल बैठकमा सहभागी रहेको एक नेताले जानकारी दिए ।