वरिष्ठ अधिवक्ता सतीशकृष्ण खरेलले राष्ट्रपति विद्यादेवी भण्डारीलाई महाभारतका पात्र धृतराष्ट्रसँग तुलना गरेका छन् ।

धृतराष्ट्रतले पुत्रमोहमा परेर दुर्योधनका हरेक गलत काममा साथ दिएको उदाहरण पेश गर्दै खरेलले राष्ट्रपति भण्डारीले त्यसैगरी प्रधानमन्त्री केपी शर्मा ओलीलाई साथ दिएको आरोप लगाए ।

उनले राष्ट्रपति भण्डारी आफ्नो संवैधानिक दायित्वबाट चुकेको आरोप पनि लगाए ।

'राष्ट्रपति संवैधानिक दायित्वबाट चुक्नुभयो । स्वतन्त्र र निष्पक्ष देखिने व्यवहार गर्नुभएन,' उनले भने, 'बहुमत सांसदको हस्ताक्षर पुगेपछि शेरबहादुर देउवालाई तत्काल प्रधानमन्त्री नियुक्त गर्नुपर्थ्यो ।'

ओलीले पुन: प्रधानमन्त्रीमा दाबी गर्नुपनि संविधान विपरीत भएको उनको जिकिर थियो ।

सर्वोच्चको संवैधानिक इजलासमा टी ब्रेक भएको छ । निवेदक पक्षको बहस आजै सकाउने तयारी छ ।