नेपाली कांग्रेसले सर्वोच्च अदालतको संवैधानिक इजलासले गरेको प्रतिनिधि सभा विघटन बदरको फैसला विवेकपूर्ण भएको जनाएको छ । 

कांग्रेस प्रवक्ता विश्वप्रकाश शर्माले सर्वोच्चको फैसला लिक बाहिर धकेलिएको संविधानलाई ट्रयाकमा फर्काउने कदम भएको बताएका हुन् । 

‘राष्ट्रपति र प्रधानमन्त्रीको आवेगपूर्ण कदम सच्याउँदै सम्मानित संवैधानिक इजलासको विवेकपूर्ण फैसला १ लिक बाहिर धकेलिएको संविधानलाई ट्रयाकमा फर्काउने कदम,’ उनले ट्वीटरमा लेखेका छन्, ‘केवल सरकार निर्माण होइन इतिहास निर्माणको अवसरका रूपमा यसलाई उपयोग गर्नुपर्ने दायित्व कांग्रेसको काँधमा ।’