नेकपा महासचिव नेत्रविक्रम चन्द 'विप्लव'ले एमाले वरिष्ठ नेता माधवकुमार नेपालसँग भेटवार्ता गरेका छन् ।

नेता नेपाललाई भेट्न विप्लव र नेता धर्मेन्द्र बास्तोला कोटेश्वरस्थित नेपाल निवास पुगेका हुन् ।

विप्लवले यसअघि खुमलटार पुगेर नेकपा (माओवादी केन्द्र)का अध्यक्ष पुष्पकमल दाहालसँग पनि भेटवार्ता गरेका थिए ।

भेटमा उनले केपी शर्मा ओली नेतृत्वको अघिल्लो सरकारसँग गरेको सम्झौता वर्तमान सरकारले कार्यान्वयन गर्छ कि गर्दैन भनेर जिज्ञासा राखेका थिए ।

वर्तमान सरकार निर्माणमा महत्त्वपूर्ण भूमिका रहेका नेता नेपालसँग पनि विप्लवले सोही विषयमा जिज्ञासा राखेको स्रोतले बतायो ।