साताको तेस्रो दिन शेयर बजारमा दोहोरो अंकको वृद्धि देखिएको छ । 

मंगलवार नेप्से परिसूचक २९.२४ अंकले बढ्दै बजार ३०७९.६७ विन्दुमा पुगेको नेपाल स्टक एक्सचेञ्ज (नेप्से)ले जनाएको छ । 

यस दिन सेन्सेटिभ परिसूचक ३.१९ प्रतिशतले बढ्दै ५७४.३० विन्दुमा पुगेको छ । 

मंगलवार कुल २ सय २५ कम्पनीको ३ करोड २३ लाख ५५ हजार २६० कित्ता शेयर १५ अर्ब १७ करोड ६ लाख ५१ हजार ६ सय ४३ रुपैयाँ बराबरमा कारोबार भएको छ । 

कारोबार समयसम्ममा ६ वटा कम्पनीको शेयर कारोबारमा सकारात्मक सर्किट ब्रेक लागेको छ । 

घलेम्दी हाइड्रो लिमिटेड, जोशी हाइड्रोपावर डेभलपमेन्ट कम्पनी लिमिटेड, मल्टीपर्पोज फाइनान्स कम्पनी लिमिटेड, युनाइटेड मोदी हाइड्रोपावर लिमिटेड, खानीखोला हाइड्रोपावर कम्पनी लिमिटेड र नेपाल हाइड्रो डेभलपर्स् लिमिटेडको शेयर मूल्य १० प्रतिशतले बढ्दै सकारात्मक सर्किट ब्रेक लागेको हो । 

यस्तै जानकी फाइनान्स लिमिटेड र हिमालय उर्जा विकास कम्पनी लिमिटेडको शेयर मूल्य ९.९९ प्रतिशतले बढ्दै सर्किट लेभलमा कारोबार गरेको छ । 

मंगलवार युनिभर्सल पावर कम्पनी र हिमालयन पावर पार्टनर लिमिटेडको शेयर मूल्यमा पनि उच्च वद्धि भएको छ ।