कात्तिक २०, २०८०
शुक्रवार मध्यरातिको भूकम्पमा परेर मृत्यु भएकी जाजरकोट भेरी नगरपालिकाकी ८ वर्षीया विष्णु तिरुवाको दाहसंस्कारका लागि आफन्त र गाउँलेहरू सोमवार भेरी नदी घाटमा पुगेका थिए । सोमवार अपरान्ह उनको शव लिएर मलामी...
भदौ ११, २०७८
प्रदेश १ का नवनियुक्त मुख्यमन्त्री भीम आचार्यले आज साँझसम्ममा केही मन्त्रीहरू नियुक्त गर्ने तयारीमा जुटेका छन् ।
बिहानैदेखि मुख्यमन्त्री आचार्य मन्त्रिपरिषद् विस्तारका लागि आन्तरिक छलफलमा जुटेका छन् । तीन जनालाई आज मन्त्री नियुक्त गर्ने तयारी रहेको बुझिएको छ ।
मन्त्रिपरिषद् विस्तारबारे आन्तरिक छलफलमा रहेको र सहमति भए आजै मन्त्री मण्डल विस्तार गर्ने मुख्यमन्त्री आचार्यले बताए ।
मन्त्री बन्ने सूचीमा चार जना नेताको नाम आएको छ । एमालेका एक नेताका अनुसार सूचीमा राखिएका केही नामहरूमा सहमति जुट्न सकेको छैन । जुटेपछि सानो मन्त्रिमण्डल विस्तार गरिने बताइएको छ ।
आचार्यले कतै पनि नखुलेका तटस्थ रहेका सांसदहरूलाई मन्त्री बनाउने रणनीति अगाडि सारेका छन् । उनले माधव नेपालको समाजवादीमा जान लागेका सांसदलाई एमालेमै राखेर मन्त्री बनाउने तयारीमा रहेको एमालेका सांसदहरू बताउँछन् ।
ताप्लेजुङका बलबहादुर सामसुहाङ, इलामकी खिनु लुङ्वा लिम्बु र एमालेका प्रमुख सचेतकसमेत रहेका बुद्धिकुमार राज भण्डारीको नाम सूचीको पहिलो चरणमा राखिएको मुख्यमन्त्री निकट स्रोतले जनाएको छ ।
आचार्यले एमालेका सचिव योगेश भट्टराई र पूर्वसभामुखसमेत रहेका नेता सुवास नेम्वाङको साथ लिएर मन्त्रिपरिषद् विस्तार गर्न लागेका हुन् ।
सामसुहाङलाई एमाले सचिव भट्टराई र खीनु लुङ्वालाई नेम्वाङले मन्त्री बनाउन चाहेका हुन् । लुङ्वा भने बिहानैदेखि फोन अफ गरेर छलफलमा व्यस्त छिन् ।
नेकपा एकीकृत समाजवादीका केन्द्रीय सदस्य महेश रेग्मीकी पत्नी सावित्राकुमारी रेग्मीलाई पनि मन्त्री बनाउने प्रस्ताव मुख्यमन्त्री आचार्यले अगाडि सारेका छन् । तर, एमालेका केही नेताहरूले भने रेग्मीको नामको विषयमा सोच्नुपर्ने अडान राखेका छन् ।
मुख्यमन्त्री आचार्यले पहिला माधव नेपाल लाइनका सांसदहरूलाई तान्ने प्रयास गरिरहेका बुझिएको छ ।
केन्द्रीय सदस्य महेशकी श्रीमतीलाई मन्त्री बनाउँदा नेकपा एकीकृत समाजवादीबीच विवाद हुने र प्रदेश सांसद एमालेमै बस्ने आकलनसहित मुख्यमन्त्री आचार्यले यस्तो निर्णय गर्न खोजेको हुन सक्ने अनुमान एमालेका नेताहरूको छ ।
‘मुख्यमन्त्रीले दिउँसो छलफलका लागि बोलाउनु भएको छ,’ एमालेका प्रमुख सचेतक बुद्धिकुमार राजभण्डारीले भने, ‘साँझसम्ममा केही मन्त्रीज्यूहरूले शपथ लिनुहुन्छ होला ।’ तपाईंको पनि नाम चर्चामा छ नि भन्ने प्रश्नमा भण्डारीले अहिलेसम्म आफूलाई यो विषयमा थाहा नभएको बताए ।
विश्वासको मत लिएर मात्रै थप मन्त्रिमन्डल विस्तार गर्ने योजनामा आचार्य छन् । समाजवादीमा गएका सांसदहरूले प्रदेश निर्वाचन आयोगमा हस्ताक्षर गर्नुभन्दा अगाडिनै विश्वासको मत लिने र त्यसपछि मात्रै सरकार विस्तार गर्ने उनको योजना रहेको एमालेका नेताहरू बताउँछन् ।
समाजवादीमा जाने सांसदहरूले आफ्नो लाइन ‘क्लियर’ गर्नु भन्दा अगाडि नै विश्वासको मत लिएर बहुमत सिद्ध गर्ने योजनामा रहेका मुख्यमन्त्रीलाई बहुमत सिद्ध गर्न नदिने बताउँछन् ।
प्रदेश १ मा नेकपा एकीकृत समाजवादीको भागमा परेकोले पहिला आचार्यसँगै रहेका नेताहरू आचार्यलाई मुख्यमन्त्रीबाट हटाउन शपथ लिएकै दिनदेखि हात धोएर लागेका छन् ।
केही दिनभित्रमै निर्वाचन आयोगमा गएर हस्ताक्षर गरेर आफ्नो नेतृत्वमा सरकार बनाउने योजनामा नेकपा एकीकृत समाजवादीका केन्द्रीय सदस्य तथा प्रदेश सांसद राजेन्द्रकुमार राई अगाडि बढेका छन् । कांग्रेस, माओवादी र जसपाका सांसदहरू पनि भीम आचार्य नेतृत्वको सरकारलाई छिटै बिदाइ गर्ने तयारीमा छन् ।
हाल एमालेका सभामुखसहित ५१, कांग्रेसका २१, माओवादी केन्द्रका १५, जनता समाजवादी पार्टीका ३ तथा संघीय लोकतान्त्रिक राष्ट्रिय मञ्च र राप्रपाका १–१ सांसद छन् ।
एमालेका एक जना सांसद भने कीर्ते कागजमा अदालतले दोषी ठहर्याएपछि फरार छन् ।
मुख्यमन्त्री आचार्यले एमालेमा बहुमत कायम राख्ने बताएका छन् । बढीमा तीनजना मात्रै सांसद समाजवादीमा जाने एमालेको दाबी छ ।
तर, ९ जना खुलिसकेकाले केही अझै थपिने समाजवादीको भनाइ छ । मुख्यमन्त्री आचार्यले पूरै कार्यकाल सरकारको नेतृत्व गर्नका लागि एमालेसँग ४६ सांसद कायम राख्नु पर्ने हुन्छ ।
शुक्रवार मध्यरातिको भूकम्पमा परेर मृत्यु भएकी जाजरकोट भेरी नगरपालिकाकी ८ वर्षीया विष्णु तिरुवाको दाहसंस्कारका लागि आफन्त र गाउँलेहरू सोमवार भेरी नदी घाटमा पुगेका थिए । सोमवार अपरान्ह उनको शव लिएर मलामी...
जाजरकोट भूकम्पमा ज्यान गुमाउनेमध्ये आधा बढी बालबालिका रहेका छन् । नेपाल प्रहरीले उपलब्ध गराएको तथ्याङ्क अनुसार कात्तिक १७ गते राति गएको भूकम्पबाट मृत्यु भएका १५३ मध्ये ७८ बालबालिका छन् । जाजरक...
दाङको तुलसीपुर उपमहानगरपालिका वडा नम्बर– १९ बिजौरीका २२ वर्षीय युवक प्रतीक पुनमाथि परिवारको ठूलो जिम्मेवारी थियो । दुवै मिर्गौला फेल भएर बाबा ताराप्रसाद पुनको एक वर्षअघि मृत्यु भएपछि लागेको ...
सरकारी जग्गा हिनामिना प्रकरणमा डलर अर्बपति एवं कांग्रेस सांसद विनोद चौधरी पनि तानिएका छन् । बाँसबारी छाला जुत्ता कारखानाको जग्गा हडपेको आरोपमा भाइ अरुण चौधरी पक्राउ परेलगत्तै विनोद चौधरीले समेत संल...
भूकम्पमा परेर रुकुम पश्चिमबाट उद्धार गरी काठमाडौं ल्याइएकी ६३ वर्षीया वृद्धा बली बुढाथोकीले आफूले नसोचेको घटना भोग्नु परेको बताएकी छिन् । उपचारका लागि त्रिवि शिक्षण अस्पताल महाराजगञ्जमा ल्याइएकी बुढाथोकीले आफू ...
गत शुक्रबार राति गएको भूकम्पले जाजरकोट र रुकुम पश्चिम तहसनहस बनेका छन् । बाक्लो बस्ती रहेका बस्ती भूकम्पले उजाड बनेका छन् । प्रभावित क्षेत्रमा सन्नाटा छाएको छ । बाँचेकाहरू शोक र पीडामा छन् । ...
सृष्टिमा हरेक चीजको एउटा अति हुन्छ, जसलाई हामी सीमा भन्ने गर्छौँ, जलाई उसले आउँदा सँगै लिएर आएको हुन्छ र जेजति गर्छ यसैभित्रै रहेर गर्छ । अति पार गर्नासाथ उसको अस्तित्व पनि समाप्त हुन पुग्छ । अति पार गरेपछि नदी...
नेपाली कम्युनिस्ट आन्दोलन कतिपटक विभाजन भयो ? पुनः एकता, मोर्चा गठन, विघटनलाई हेर्दा यसको जोडघटाउको लामै शृङ्खला बन्छ । र, त्यसमा मूलधारको राजनीतिबाट विभाजित कम्युनिस्ट पार्टी अर्थात् वामपन्थी पार्टीहरूको विसर्...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...