माधव नेपालको पार्टीमा जिम्मेवारी तोकियो, कसले पाए कहाँ जिम्मेवारी ?

नेकपा (एकीकृत समाजवादी)ले पार्टीलाई गतिशील बनाउन नेताहरुलाई जिम्मेवारी तोकेको छ । समाजवादीले प्रदेश इन्चार्ज र केही विभागमा जिम्मेवारी तोकेको हो ।
जसअनुसार प्रदेश १ मा घनेन्द्र बस्नेत, प्रदेश २ मा धर्मनाथ साह, बागमतीमा केदार न्यौपाने, गण्डकीमा केशवलाल श्रेष्ठ, लुम्बिनीमा भागवत विश्वासी र कर्णाली प्रदेशमा प्रकाश ज्वाला इन्चार्ज तोकिएका छन् । सुदूरपश्चिममा भने इन्चार्ज तोक्न बाँकी रहेको सो पार्टीका एक नेताले जानकारी दिए ।

यसैगरी उपत्यका विशेष प्रदेश इन्चार्जमा विश्वनाथ प्याकुरेल तथा जनसम्पर्क विशेष प्रदेश इन्चार्जमा विजय गुरुङ चयन भएका छन् ।

यसैबीच मोर्चा इञ्चार्जमा विजय पौडेल र  प्रचार विभाग प्रमुखमा जगन्नाथ खतिवडा तोकिएका छन् । यससम्बन्धी जानकारी गराउँदै समाजवादी पार्टीले मातहतका कमिटीलाई सर्कुलर समेत गरेको छ ।
एकीकृत समाजवादी पार्टीले भदौ ९ गते निर्वाचन आयोगबाट आधिकारिकता पाएको थियो ।