कांग्रेसका प्रवक्ता विश्वप्रकाश शर्माले महामन्त्री पदमा उम्मेदवारी घोषणा गरेका छन । विपि स्मृती संग्राहलय सुन्दरीजलमा पुगेर उनले उम्मेदवारी घोषणा गरेका हुन । 

पण्डित बासुदेव कृष्ण शास्त्रीले जुराएको साइत अनुसार शर्माले कांग्रेसको महामन्त्रीमा उम्मेदवारी घोषणा गरको छन् । पण्डितले आज दिउँसो एक बजेर ७ मिनेट पछि समय उम्मेदवारी घोषणाको लागि उपयुक्त रहेको सल्लाह अनुसार उम्मेदवार घोषणा गरेका छन ।

महाधिवेशन विधिवत रूपमा प्रक्रियामा गएपछि उम्मेदवारी घोषणा गर्ने योजना अनुसार नै आज कांग्रेसको महामन्त्री पदमा उम्मेदवारी घोषणा गरेको उनले बताए । 

उम्मेदवारी घोषणा गर्नु अघि सुन्दरी जलमा विपिले रोपेको कपुरको बोटमा शर्माले जल सिञ्चन गरेका थिए भने रूद्राक्षको विरूवा पनि रोपेका थिए ।

उम्मेदवारी घोषणाको लागि सुन्दरीजल पवित्र ठाउँ र विपि स्मृती दिवस उपयुक्त दिन भएको उनले बताए । ‘कांग्रेसको प्रवक्ताबाट माथिल्लो तहमा जानको लागि उम्मेदवारी घोषणा गर्ने उपयुक्त दिन आज रहेको ठानेको छु’, शर्माले भने ।

‘वीपीलाई जेलमा बन्दी नबनाएको भए आज देश कहाँ पुग्थ्यो होला । देशको विकासको खाका कोरेका वीपीलाई सुन्दरीजलमा लगेर बन्दी बनाउँदा देशको विकास पनि बन्दी भयो’, शर्माले भने । 

विपि कोइराला, गणेशमान सिंह लगायत कांग्रेसका अग्रज नेताहरूलाई सम्झदै उनले उम्मेदवारी घोषणा गरेका हुन । 

कांग्रेसको महामन्त्री पदमा अर्का युवा नेता गगन थापाले यसअघि नै उम्मेदवारी घोषणा गरिसकेका छन ।