नेपाल राष्ट्र बैंकले मुलुकको वर्तमान वित्तीय अवस्थाबारे एक प्रतिवेदन सार्वजनिक गरेको छ । 

केन्द्रीय बैंकले मंगलवार चालु आर्थिक वर्ष २०७८/७९ को असोज महिनाको विस्तृत वित्तीय प्रतिवेदन सार्वजनिक गरेको हो । 

यस्तो छ प्रतिवेदनको मुख्य सारांश

• वार्षिक बिन्दुगत आधारमा उपभोक्ता मूल्य सूचकाङ्कमा आधारित मुद्रास्फीति ४.२४ प्रतिशत छ ।
• आयात ६३.७ प्रतिशतले र निर्यात १०९.५ प्रतिशतले बढेको छ ।
• विप्रेषण आप्रवाह नेपाली रुपैयाँमा ७.६ प्रतिशत र अमेरिकी डलरमा ७.७ प्रतिशतले घटेको छ ।
• शोधनान्तर स्थिति रु.७६ अर्ब १३ करोडलेघाटामा छ ।
• कुल विदेशी विनिमय सञ्चिति १० अर्ब ९८ करोड अमेरिकी डलर रहेको छ ।
• संघीय सरकारको खर्च रु.२३४ अर्ब ५२ करोड र राजस्व परिचालन रु.२५५ अर्ब ४ करोड छ ।
• विस्तृत मुद्राप्रदाय २.२ प्रतिशतले बढेको छ । वार्षिक बिन्दुगत आधारमा यस्तो मुद्राप्रदाय १७.९ प्रतिशतले बढेको छ ।
• बैंक तथा वित्तीय संस्थाको निक्षेप संकलन १.२ प्रतिशतले बढेको छ र निजीक्षेत्रमाथिको दावी ७.८ प्रतिशतले बढेको छ । वार्षिक बिन्दुगत आधारमा निक्षेपको वृद्धिदर १७.२ प्रतिशत र निजीक्षेत्रमाथिको दावीको वृद्धिदर ३०.८ प्रतिशत छ ।

हेर्नुहोस् पूर्णपाठ