शनिवार शुरु हुने बन्दशत्रमा लैजाने प्रस्ताव बारे निर्णय गर्न नेकपा एमाले केन्द्रीय कमिटीको बैठक शुक्रवार मध्यरातमा शुरु भएको छ । चितवनको सौराहा स्थित जंगल क्राउन होटलमा राति ११ बजे केन्द्रीय कमिटी बैठक शुरु भएको हो । 

बैठकले भोलि बन्दशत्रमा लैजाने प्रस्ताव बारे निर्णय लिने केन्द्रीय सदस्य महेश बस्नेतले जानकारी दिए ।

बैठकमा पदाधिकारीको संख्या थप गर्नेबारे प्रस्ताव आउने सम्भावना रहेको एक नेताले बताए । शुक्रवार दिउसो शुरु भएको एमालेको दशौं महाधिवेशनको बन्दशत्र शनिवार बिहान शुरु हुँदैछ ।

राति ८ बजे शुरु हुने भनिएको केन्द्रीय कमिटी बैठक राति ११ बजे शुरु भएको हो ।