बंगलादेशविरुद्धको दोस्रो टेस्टमा पाकिस्तानले एक इनिङ र आठ रनको शानदार विजय प्राप्त गरेको छ । यससँगै दुई टेस्ट म्याचको शृंखला उसले क्लीन स्वीप गरेको छ ।

अन्तिम दिनमा बंगलादेश दोस्रो इनिङमा २०५ रनमा समेटिएपछि पाकिस्तानले विशाल अन्तरको विजय हासिल गरेको हो । 

वर्षाले लामो समय बाधा गरेको खेलमा टस जितेर पाकिस्तानले ब्याटिङ गर्दै चार विकेटको क्षतिमा ३०० रन बनायो । बंगलादेशले जवाफमा जम्मा ८७ रन बनायो । 

त्यसपछि पाकिस्तानले बंगलादेशलाई फलोअन गराएको थियो । दोस्रो इनिङमा केही सुधारिएको प्रदर्शन गरे पनि बंगलादेशलाई पाकिस्तानलाई पुनः ब्याटिङका लागि बाध्य पार्न सकेन । 

पाकिस्तानको जीतमा बलर साजिद खानको प्रमुख भूमिका रह्यो । पहिलो इनिङमा उनले ८ विकेट लिए भने दोस्रो इनिङमा चार विकेट हात पारे । उनको घातक बलिङका कारण बंगलादेशी बलरहरूले खुलेर रन बनाउनै सकेनन् ।

पहिलो टेस्ट पाकिस्तानले आठ विकेटले जितेको थियो । त्यसअघि खेलिएका तीनवटा टी२० पनि पाकिस्तानले जितेको थियो ।