×
Bajaj Top
Khukuri
FONEPAY

सफलता

राजेन्द्र राउत : खेलाडीदेखि १४ उद्योगका मालिकसम्म

विराटनगर | पुस १७, २०७८

NTC
TVS INSIDE

राजेन्द्र राउत मनाङ–मर्स्याङ्दी क्लबका पूर्व फूटबल खेलाडी हुन् । मनाङ–मर्स्याङ्दी क्लबबाट फूटबलका खेलाडी यतिबेला व्यावसायिक क्षेत्रमै नाम कमाउन सफल बनेका छन् ।

Sanima Bank
morang Auto yamaha

राजेन्द्र खेलाडी बन्न चाहन्थे तर बुवाले उनलाई व्यवसायी बनाउन चाहे । बुवा दलबहादुर राउतको कुरा काट्न नसकेपछि राजेन्द्रले खेलकुद र व्यवसाय सँगसँगै गरे । उनी दुवैतिर सफल पनि भए ।


Advertisment
NMB BANK
RMC TANSEN
shivam island

शुरूआतताका सफल भइन्छ कि भइँदैन भन्ने चिन्ताबीच २०४२ सालमा उनले काठमाडौंमा गार्मेन्ट उद्योग सञ्चालन गरे । राजेन्द्रले त्यही गार्मेन्ट उद्योग २० वर्षसम्म सञ्चालन गरे । १ हजार २०० मजदुरलाई त्यो समयमा गार्मेन्ट उद्योगमा रोजगारी दिएको उनी बताउँछन् । पछि उनले त्यही गार्मेन्ट उद्योगलाई दुहबीमा सारे । 

पहिलो व्यवसायमा उनलाई केही झड्का लाग्यो । ‘मैले जे सोचेको थिएँ, त्यो हुन सकेन तर कहिल्यै हरेश खाइनँ,’ उनले भने । उद्योग चलाइरहेका बेला भएका राजनीतिक आन्दोलन, बन्द, हड्ताल, चक्काजाम जस्ता कारणले समस्या निम्त्याएको उनले बताए ।

Vianet communication
IME BANK INNEWS
LAxmi BAnk

उनले गार्मेन्टलाई अमेरिकासम्म पठाउँथे तर आन्दोलन र मजदुरको हड्तालले मागअनुसार उत्पादन नभएर पठाउन नसक्दा ग्राहक बिच्किने गर्दा समस्या भएको उनले बताए । ‘नेपालमा विभिन्न खालका आन्दोलनले असर गर्‍यो, मागेको समयमा सामग्री उत्पादन गरेर पठाउन सकिएन, जसले गर्दा एक पटकमा लाखौं रुपैयाँ घाटा हुन्थ्यो,’ उनले भने, ‘आज यति सामग्री उत्पादन गरेर पठाउँछु भन्ने अवस्था थिएन । अमेरिकाले कोटा सिस्टममा मगाउँथ्यो, कहिलेकाहीँ मजदुर आन्दोलन, हड्ताल, बन्द जस्ता समस्याले उत्पादन गर्न सकिएन ।’

माओवादी आन्दोलनका बेला उनले गार्मेन्ट उद्योगलाई बन्द गरेर अर्काे शुरू गरेका थिए । आन्दोलन चर्किंदै जाँदा सिन्धुलीमा चुनढुंगाको उत्खनन् गरेको उनले बताए । ‘त्यो समयमा खानी तथा खोलाजन्य वस्तु उत्खनन् गर्नु फलामको चिउरा चपाएजस्तै हुन्थ्यो,’ उनले भने, ‘एकातिर विद्रोह गरिरहेको माओवादीको नजर, अर्काेतिर राज्यको नजर पर्थ्यो ।’ द्वन्द्वरत माओवादी र राज्यबाट असहयोग नभएको उनले बताए तर त्यो बेला आफ्ना लागि धेरै ठूलो ‘यूटर्न’ भएको उनले बताए । 

निजी क्षेत्रबाट पहिलो सिमेन्ट उद्योग आफूले शुरू गरेको उनले बताए । मारुती सिमेन्टको उद्योग शुरू गरेको उनले बताए । ‘गार्मेन्ट बन्द गरेर मारुती सिमेन्ट खोले, मारुती सिमेन्ट निजी क्षेत्रको पहिलो सिमेन्ट हो,’ उनले भने । मारुती सिमेन्ट उद्योग अहिले १७ वर्ष पुगेको छ ।

विराटनगरमा जुत्ता–चप्पलको उद्योग पनि सञ्चालन गरिरहेको उनले बताए । विराटनगरमै अन्नपूर्ण सिमेन्ट उद्योग पनि उनले सञ्चालन गरिरहेका छन् । स्टिल उद्योग सञ्चालनको तयारी पनि गरिरहेको उनले बताए । स्काभेटरको सेल्स सर्भिसको व्यवसाय पनि उनले सञ्चालन गरिरहेका छन् । उनलाई छोराहरूले पनि साथ दिइरहेका छन् ।

‘मास्टर’ गरेर ५ वर्षदेखि छोरा प्रतीक राउत, प्रदेश राउतले व्यवसायमा सहयोग गरिरहेका उनले बताए । 

‘संघर्ष गरेपछि मात्रै सफलता मिल्छ भन्ने लाग्छ,’ उनले भने, ‘डोकोमा दूध हुँदा अडिँदैन, त्यसका लागि बाल्टी नै चाहिन्छ ।’

‘उद्योगी मालिक भनेपछि काम गर्नु हुँदैन, अरुलाई काम लाएर आफू कुर्सीमा बस्ने हो भन्ने चलन अहिले पनि छ,’ उनी भन्छन्, ‘तर त्यो मेरो जीवनमा कहिल्यै पनि लागू भएन । म ७ दिनमा मात्रै घर जान्थे, गार्मेन्ट उद्योगमा अरु मजदुरहरू सँगै बसेर काम गर्थें ।’

सघर्षका कथा सुनाउँदा उनको अनुहार पनि मलिन देखिन्थ्यो । ‘मसँगै बसेर काम गर्दा मजदुर पनि खुशी हुन्थे, मालिक पनि हामीसँगै काम गरिरहेको छ भनेर कामदारलाई हौसला मिल्थ्यो,’ उनले भने, ‘लगातार ४८ घण्टासम्म काम गरिन्थ्यो । गार्मेन्ट उद्योगमा काम गर्दा ७ दिनमा मात्रै घर जाने गर्थें ।’

हाल उनका १४ उद्योग सञ्चालनमा छन् । ६०० मजदुरलाई रोजगारी दिएको उनले बताए । गार्मेन्ट सञ्चालन हुँदा १ हजार २०० जति मजदुर थिए । उद्योग, व्यापार गर्न बैंकिङ क्षेत्रले असहयोग गरेको उनी बताउँछन् । 

काठमाडौंमा जन्मे–हुर्केका राउतका आफन्त तथा जग्गा जमिन विराटनगरमा थियो । जग्गा, जमिन तथा आफन्तहरू विराटनरमा भएका कारण सानैदेखि उनको आवतजावत विराटनगरमा भइरहन्थ्यो । ‘जागिरे बुवाको एक्लो सन्तान मलाई कुनै समस्या थिएन तर एउटा चिन्ता भने निकै समयसम्म रहिरह्यो,’ उनले भने । उनको चिन्ता रहेछ – सुनसरी मोरङ कोरिडोरमा आफ्नो उद्योग कसरी स्थापना गर्ने ?

‘म काठमाडौंबाट विराटनगर आउँदा इटहरीबाट यता लागेपछि गाडीको झ्यालको सिसा खोलेर यहाँ ठूलो घर बनाएर उद्योग कसरी सञ्चालन गर्ने भन्ने चिन्ताले सताउँथ्यो,’ उनले भने । अहिले त्यो चिन्ता समाधान भइसकेको उनले बताए ।

उनी उद्योग वाणिज्य महासंघको केन्द्रीय सदस्य, साफ चेम्बरको केन्द्रीय सदस्य, नेपाल सरकारको लगानी बोर्डका सदस्य, मुख्यमन्त्री राजेन्द्र राईका आर्थिक सल्लाहकार जस्तो पदमा काम गरिरहेका छन् ।

Kumari
TATA Below
NLIC
Mega Bottom
माघ ८, २०७८

लोकेन्द्र भण्डारी लुम्बिनी क्षेत्रका चर्चित भलिबल खेलाडी हुन् । राष्ट्रिय भलिबल खेलाडी तथा ‘लेबल वान कोच’ भण्डारीलाई कोरोना महामारीले यस्तो असहज परिस्थति सिर्जना गरिदियो, आफ्नै गर्भवती पत्नी शोभा र पेटक...

माघ १, २०७८

विभिन्न ‘प्रोजेक्ट’को सिलसिलामा मेघनाथ आचार्य झण्डै ३ दशकअघि थाइल्यान्ड (बैंकक) पुगेका थिए । ‘लुम्बिनीबाट आएको हुँ’ भनेर परिचय दिँदा त्यहाँका नागरिकले उनका खुट्टा ढोगेपछि उनी सोचमग्न भ...

पुस २९, २०७८

कीर्तिपुरका राजमान मानव सफाइ अभियन्ता हुन् । विश्वका हरेक कुनाकाप्चामा पुगेर सफाइ गर्ने लक्ष्यका साथ अगाडि बढेका उनले विभिन्न देश पुगेर सफाइ अभियान चलाइसकेका छन् । १२ वर्षदेखि निरन्तर यस अभियानमा होमिएको...

माघ ९, २०७८

भक्तपुरको सूर्यविनायक बस्ने २३ वर्षीय रोशन बानियाँ (चार्ली) गहुँको छ्वालीबाट आकर्षक चित्र बनाउँछन् । सानैदेखि विभिन्न चित्र कोर्ने गरेका चार्लीले गहुँको छ्वालीबाट चित्र बनाउन थालेको झण्डै ४ वर्ष हुन लाग्यो ।...

माघ २, २०७८

उतिबेला तिब्बतबाट हिँडेर मुस्ताङको लोमान्थाङ हुँदै पोखरा झर्दा बाटोमै जन्मिएकी आफ्नी आमाको कथाले ३८ वर्षीया हिसी छोइडेनलाई आज पनि झस्काउँछ । तिब्बतबाट करीब एक हप्ताको पैदल यात्रापछि हिसीकी आमा मिगमार ...

माघ १०, २०७८

गुल्मीका १२ स्थानीय तहमध्ये विकट गाउँपालिकाको रूपमा मालिकालाई चिनिन्छ । पालिकाका ७४ प्रतिशतभन्दा बढी महिलाहरू घरमै जोखिमपूर्ण रूपमा सुत्केरी हुन्थे । अस्पताल आउनुपर्ने अवस्थामा पुगे ६० किलोमिटर टाढा तम्घास व...

कोभिडपछिको संकट र आर्थिक सुधारको खोजी

कोभिडपछिको संकट र आर्थिक सुधारको खोजी

माघ १३, २०७८

हामीले चाहेर वा नचाहेर विश्व अर्थ व्यवस्थामा मन्दीको चर्चा शुरू भइसकेको छ । केही मुलुकहरूले त्यसलाई हजार कोशिशका बावजूद लुकाउन सकेका छैनन् । अधिकांशले मन्दीलाई गुपचुप राखेर संकट टार्ने कोशिश जारी राखेका छन् ।...

नेपालमा चलिरहेको मिलिट्यान्ट डेमोक्रेसी अर्थात् उग्र लोकतन्त्र

नेपालमा चलिरहेको मिलिट्यान्ट डेमोक्रेसी अर्थात् उग्र लोकतन्त्र

माघ १२, २०७८

हालै मात्र निर्वाचन आयोगले राष्ट्रिय प्रजातन्त्र पार्टी (राप्रपा) लगायतका राजनीतिक संगठनलाई उनीहरूको विधानमा रहेका केही विशुद्ध सैद्धान्तिक विषयमा असहमति जनाउँदै पत्राचार गरेको छ । निर्वाचन आयोगले राजनीतिक दलहरू...

यसरी नै चलाउने हो कांग्रेसका भ्रातृ संस्था ?

यसरी नै चलाउने हो कांग्रेसका भ्रातृ संस्था ?

माघ ५, २०७८

विश्वविख्यात अर्थशास्त्री एवं कूटनीतिज्ञ चाणक्यले लक्ष्य प्राप्तिका केही प्रमुख सूत्र बताएका छन्। अरू सबैलाई तपसिलमा राख्न सकिन्छ, तर एउटा सूत्रलाई कहिल्यै पनि विस्मृत हुन दिनु हुँदैन । उनी भन्छन्, 'मानिसको सबैभ...