राष्ट्रिय प्रसारण लाइनमा जोडियो साप्सु खोलाको बिजुली

खोटाङको साप्सु खोला जलविद्युत् आयोजना राष्ट्रिय प्रसारण लाइनमा जोडिएको छ ।

साप्सु खोलाबाट उत्पादित विद्युत् नेपाल विद्युत् प्राधिकरणको ३३ केभी जलजले–बुइपा प्रसारण लाइनमार्फत राष्ट्रिय प्रसारण लाइनमा जोडिएको हो ।

 ६.६  मेगावाट  क्षमताको  साप्सु  खोला  जलविद्युत् आयोजनाको  पावर  हाउस  जिल्लाको  हलेसी  तुवाचुङ नगरपालिका–११,  राजापानीमा  रहेको  छ ।  

आयोजनामा हिमालयन  बैङ्क  र  राष्ट्रिय  वाणिज्य  बैङ्कको  ६५ प्रतिशत  ऋण  तथा  निजी  लगानीकर्ताको  ३५  प्रतिशत लगानी रहेको छ ।

थ्रिस्टार हाइड्रोपावर कम्पनी लिमिटेडले करिब  एक  अर्ब  ५०  करोड  रुपियाँ  लगानीमा  दुई  वर्षमा अर्धजलाशययुक्त  साप्सु  खोला  जलविद्युत्  आयोजनाको काम  सम्पन्न  गरेको  सञ्चालक  ध्रुवबहादुर  श्रेष्ठले जानकारी दिए।

यो आयोजनाले मङ्सिर १४ गतेदेखि परीक्षण उत्पादन शुरू गरेको थियो । गोरखापत्र दैनिकमा खबर छ ।